(एबिसी संचार)
बाँके माघ ५ कोहलपुर सुर्योदय लघुवित्तद्धारा मृतकका परिवारलाई चेक हस्तान्त्रण
सुर्योदय लघुवित्त वित्तिय संस्था केन्द्रिय कार्यालय स्याङ्जा अन्तरगत भवानीपुर शाखा बाँकेले आफ्नो संस्थाका मृतक सदस्यको परिवारलाई नगद चेक उपलब्ध गराएको छ । संस्थाको शाखा कार्यालय भवानीपुरले एकता नगर महिला समुहकी सदस्य खिमादेवी ओलिका परिवारलाई चेक हस्तान्तरण गरेको हो ।
पौष २६ गते मृत्यु भएकी खिमा देवीका परिवारलाई १ लाख ४ हजार रुपैयाको चेक हस्तान्त्रण गरीएको संस्थाका शाखा प्रमुख कबिन्द्र शाहीले जानकारी दिए ।
महिला समुहमा आबद्ध खिमा देविले लघुवित्त संस्थाबाट साधारण ऋण ६० हजार र मौसमी ऋण २० हजार लगेकी थिईन । खुमादेवीको अकस्मात निधन भएपछि उनले लगेको सबै ऋण मिनाहा गर्दै संस्थाले चेक उनको परिवारलाई हस्तान्तरण गरेको हो ।
खिमादेवीको परिवारका तर्फबाट उनका छोरा भिम बहादुर ओलीले चेक बुझेका थिए ।
संस्थाका शाखा प्रमुख शाहीका अनुसार संस्थाको नियम अनुसार खिमा देवीले लगेको सबै ऋण मिनाहा गर्दै विमा वापतको रकम उपलब्ध गराईएको हो ।
