१३ जेठ २०८१, आइतबार
26-05-2024 , Sun
×

प्रहरीमा एकै ब्याचबाट तीन आईजी बन्ने सम्भावना बढ्यो, यस्तो छ सरकारको तयारी

Logo
प्रकाशित बुधबार, माघ ०८, २०७६

(सागर थापा)
काठमाडौं माघ ८ प्रहरी नेतृत्व हेरफेरको दिन जति–जति नजिकिँदैछ, उतिउति नयाँ ऐन ल्याउने गरी दौडधुप पनि बाक्लिएको छ । अहिले बहाल रहेकै व्याच (९० टोली) का एआइजी वा डिआइजी नयाँ आइजिपी हुने गरी काम अघि बढ्दैछ ।
संघीय प्रहरी ऐनको अभावमा प्रदेश प्रहरी गठन हुन सकेको छैन । केन्द्रीय प्रहरी नेतृत्वले सुरक्षा निकायलाई छिन्नभिन्न पार्ने गरी कुनै पनि ऐन–कानुन स्वीकार्य नहुने बताएपछि नेपाल प्रहरी ऐन– २०७६ को मस्यौदा मन्त्रिपरिषद्को कार्यालयमा दर्ता गरिएको छ । त्यसमा महानिरीक्षकको पदावधी तीन वर्ष, अतिरिक्त महानिरीक्षक (एआइजी) चार, नायव महानिरीक्षक (डिआइजी) को पाँच, वरिष्ठ उपरीक्षक (एसएसपी) को ६ र उपरीक्षक (एसपी) को १० वर्ष पदावधिको व्यवस्था छ । उक्त ऐनको मस्यौदामा प्रहरी अवकासको विद्यमान व्यवस्था परिवर्तन गरिएको छ ।
विद्यमान व्यवस्थाअनुसार, सेवा प्रवेश गरेको ३० वर्षलाई अनिवार्य अवकासको आधार मानिन्छ । तर, नयाँ ऐनमा पदावधि र उमेरमध्ये जुन पहिला आउँछ, त्यस आधारमा अवकास हुनेगरी मिलाइएको छ । उमेरहद ५८ वर्ष कायम गरिएको छ । यसअघि गृहमन्त्रालयले तयार पारेको प्रहरी ऐन २०७६ को मस्यौदामा नयाँ प्रहरी ऐन लागु भएको मितिदेखि प्रहरी सेवामा भर्ना हुने कर्मचारीका हकमा ३० वर्षे सेवाहद नलाग्ने उल्लेख थियो । तर, त्यस्तो नीति व्यवहारिक नहुने भन्दै असन्तुष्टि जनाएपछि अहिले नयाँ ऐन अघि बढाइएको हो । मन्त्रिपरिषद्को विधेयक समितिले नयाँ ऐन स्वीकृत गरेलगत्तै संसदमा दर्ता हुने र पारित गर्ने प्रक्रियामा लगिने काम हुन्छ । तर, प्रहरीमा माघ २७ गते रिक्त हुने ३० भन्दा बढी उच्चअधिकारीको हकमा के गर्ने भन्नेबारे अहिलेसम्म केही टुंगो लागेको छैन ।
यदि यही ऐन लागु भयो र बहालवाला नेतृत्वले २७ गते अवकास पाएन भने एआइजी पुष्कर कार्की एक वर्षका लागि आइजिपी हुन्छन् भने सर्वेन्द्र खनालले अझै एक वर्ष चलाउने मौका पाउँछन् । पुष्करले एक वर्ष चलाएपछि फेरि त्यही व्याचबाट केदार रिजाल केही समयलाई आइजिपी हुन्छन् । केदार उक्त व्याचमा सबैभन्दा कम उमेरका अधिकृत हुन् । तर, यसो गर्दा लगत्तै महानिरीक्षकको लाइनमा रहेका ठाकुर ज्ञवालीदेखि शैलेस थापा क्षेत्री, हरिबहादुर पाल, विश्वराज पोखरेलहरुको व्याच सर्लक्कै डिआइजीबाट घर जान्छ ।

कमेन्ट गर्नुहोस्
सम्बन्धित

ABC (क्राईमबिट) काठमाडौं । विश्वको सर्वोच्च शिखर सगरमाथाको सफल आरोहण गरेका सशस्त्र प्रहरी निरीक्षक सुरज पौडेललाई प्रधान कार्यालय हलचोकमा स्वागत तथा सम्मान गरिएको छ । शुक्रबार सशस्त्र प्रहरी महानिरीक्षक राजु अर्याल तथा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज दाहाल लगायत बरिष्ठ अधिकृतहरुले पर्वतारोही सशस्त्र प्रहरी निरीक्षक पौडेलको प्रधान कार्यालयमा स्वागत गर्नुभएको […]

ABC (क्राईमबिट) काठमाडौं । प्रशिक्षार्थी दरबन्दी भएका ३३५ जना प्रहरी जवानहरुको सरुवा गरिएको हो । सूचनामा जेठ महिना देखि तलव, भत्ता समेत हाल सरुवा भएको दरबन्दीबाट खाने व्यवस्था गरिएको उल्लेख छ । साथै आवश्यक कारवाही गर्नु गराउनु हुन सम्बन्धित कार्यालयहरुलाई पनि प्रहरी प्रधान कार्यालयले निर्देशन दिएको छ ।

ABC (क्राईमबिट) काठमाडौं । प्रधानमन्त्री पुष्पकमल दाहाल ‘प्रचण्ड’को प्रमुख आतिथ्यमा राष्ट्रिय प्रहरी प्रशिक्षण प्रतिष्ठान महाराजगंजमा शुक्रबार प्रहरी निरीक्षक आधारभूत तालिम १-१८२औं (पोष्ट ग्रयाजुएट डिप्लोमा इन पुलिस साइन्स १३औं) समूहको दीक्षान्त समारोह सम्पन्न भएको छ । समारोहमा प्रधानमन्त्री दाहालले तालिममा सर्वप्रथम, सर्वद्वितीय एवम् सर्वतृतीय प्रशिक्षार्थीहरुलाई पुरस्कार प्रदान गर्नुभयो । समारोहलाई सम्बोधन गर्दै प्रधानमन्त्री दाहालले कठिन र […]