काठमाडौं । नेपाल प्रहरी महानिरिक्षक (आईजीपी) दानबहादुर कार्कीले शहीद प्रहरीकी पत्नीलाई रोजगारी दिने घोषणा गरेका छन् । आईजी कार्कीले जेन्जी आन्दोलनका क्रममा कोटेश्वर प्रहरी प्रभागमा शहादत प्राप्त सहायक हवल्दार अमृत गुरुङकी धर्मपत्नी कान्ति गुरुङ्गलाई प्रहरी सेवामा रोजगारी दिने घोषणा गरेका छन् । शहीद पत्नी गुरुङ्गले भर्खरै १२ कक्षा उतिर्ण गरेकी छिन् र नाबालक छोराको साथ पोखरामा बस्दै आएकी छिन्। आन्दोलनका क्रममा आगजनीमा परेको प्रभागको पुनःनिर्माण गरिएको भवनको उद्घाटनका क्रममा कार्कीले उक्त घोषणा गरेका हुन् । साथै आईजी कार्कीले पुनःनिर्माण समितिको तर्फबाट प्रदान गरिएको एक लाख नगद पनि नाबालक छोरासहित पतीले शहादत प्राप्त गरेको स्थलमा आइपुगेकी गुरुङलाई प्रदान गरेका थिए ।
