सागर थापा (क्राईमबिट)
काठमाडौं माघ ११ नेपाल प्रहरीमा प्रहरी निरीक्षकदेखी डिआईजीसम्मको बढुवा हुने भएको छ ।
गृहमन्त्री रामबहादुर थापाले प्रहरीमा रोकिएको बढुवा प्रक्रिया अघि बढाउन निर्देशन दिएलगत्तै प्रहरी मुख्यालयले बढुवा प्रक्रिया अघि बढाएको हो । गृह सचिव प्रेमकुमार राई र प्रहरी महानिरीक्षक सर्वेन्द्र खनालले अवकास पाउने दिन नजिकै आउनै लाग्दा प्रहरीमा बढुवा प्रक्रिया अघि बढाउने तयारी भएको हो ।
हाल गृह सचिव राई थाइल्याण्ड भ्रमणबाट फर्के लगत्तै बढुवा प्रकृयाले गति लिन थालेको छ । राई र खनालले आफू निकटकालाई मात्र बढुवा गर्न सक्ने भन्दै तत्काल बढुवा गर्न हुंदैन भन्ने समूह भने बढुवा रोक्न लविङ्गमा छ । डिआईजीको एक पद रिक्त भएपछि त्यसमा बढुवाको लागी एसएसपीहरु दौडमा छन् ।
सिनियर ब्याचबाट घनश्याम अर्याल, गणेश ऐर, पुरुषोत्तम कँडेल, प्रकाशजंग कार्की, बसन्त कुमार पन्त, ईश्वर बाबु कार्की, दिलिप कुमार चौधरी र राजेश लाल कर्ण छन् । त्यस्तै जुनियर ब्याचबाट धिरज प्रताप सिंह, उत्तम सुवेदी, बसन्त लामा, दिवेश लोहनी, शौरभ राणा, रबिन्द्र धानुक लगायत प्रतिस्पर्धामा छन् ।
जुनियर ब्याचका विश्वराज पोखरेल डिआईजीमा बढुवा भइसकेका छन् । आगामी माघ २९ बाट २१ डिआईजीको पद रिक्त हुनेछ । हाल १० एसएसपी र १७ जना एसपीको दरबन्दी खाली छ । बढुवाका लागी प्रहरी निरीक्षक, डीएसपी, एसपी र एसएसपी दौडधुपमा छन् ।

सम्बन्धित

भाइको विरुद्धमा बागी उठेको भन्दै उम्मेदवार र समर्थकलाई राधेले धम्क्याउन थाले पछी बिरोध र्‍याली

नेपाल र भारत जलविद्युत् विकास केन्द्रित हुने दुबै देशको प्रधानमन्त्री बीच सहमति

भारतका प्रधानमन्त्री नरेन्द्र मोदी सोमबार लुम्बिनी प्रदेश भैरहवा आउँदै

प्रधानमन्त्री शेर बहादुर देउवाद्वारा गौतमबुद्ध विमानस्थलको उद्घाटन,

भैरहवा गौतमबुद्ध विमानस्थलमा जजिरा एयरको पहिलो अन्तर्राष्ट्रिय उडान आयो

प्रधानमन्त्री शेर बहादुर देउवा लुम्बिनीमा