विश्वसामु शिर उच्च पार्न भुतपुर्व सैनिकहरुको ठुलो बलिदान छ प्रधानसेनापती:थापा

प्रकशित मिति : १२ माघ २०७६, आईतवार १९:५६

(सागर थापा)
दाङ माघ १२ नेपाली सेनाले दाङको घोराहीमा भूतपूर्व सैनिक सम्मेलन तथा स्वास्थ्य शिविर सम्पन्न गरेको छ । नेपाली सेना मध्यपश्चिम पितना बुटवलको आयोजनामा दाङको घोराहीमा रहेको रिपु मर्दन गण भरतपुरमा भूतपूर्व सैनिक सम्मेलन तथा स्वास्थ्य शिविर आइतवार गरेको हो ।
सेना सम्मेलन तथा स्वास्थ्य शिविरमा दाङ, रोल्पा, प्युठान, पूर्वी रुकुम, पश्चिम रुकुम र सल्यान जिल्लाका अवकास प्राप्त सैनिकहरुको सहभागिता रहेको थियो । सम्मेलनमा सहभागी अवकास प्राप्त सेनाहरुको स्वास्थ्य परिक्षणसँगै अपांग भूतपूर्व सैनिक तथा उनका अपांगता भएका सन्तानहरुलाई ह्वीलचियर समेत वितरण गरिएको थियो ।
भूतपूर्व सैनिक सम्मेलनलाई सम्वोधन गर्दै नेपाली सेनाका महारथी पूर्णचन्द थापाले नेपाली सेनाको विश्वसामु शिर उच्चो बनाउनका लागि भूतपूर्व सैनिकहरुको ठुलो त्याग, बलिदान र सम्र्पण रहेको बताउनुभयो । नेपालको राष्ट्रिय एकता, अखण्तालाई बचाउँदै शान्ति स्थापनाका लागि नेपाली सेनाले महत्वपूर्ण भुमिका निर्वाह गर्दै आएको बताउनुभयो ।
नेपाली सेनाको शिरलाई उचो बनाउँदै भूतपूर्व सैनिकहरुको योगदानको सम्मानका लागि सेनाले विभिन्न कार्यक्रमहरु ल्याएको बताउनुभयो । त्यस्तै महारथी थापाले नेपाली सेनाले आगामी दिनमा गर्न थालेका विभिन्न योजनाहरुको बारेमा समेत जानकारी दिनुभयो ।
कार्यक्रममा नेपाल भूतपूर्व सैनिक संघका अध्यक्ष दिगम्वर शम्शेर जवराले देशको राष्ट्रिय र अखण्डतालाई बचाउँदै नेपाललगायत विश्व समुदायमा शान्ति स्थापना गर्न भूतपूर्व सैनिकहरुले महत्वपूर्ण योगदान पु¥याएको बताउनुभयो । भूतपूर्व सैनिक सम्मेलनमा नेपाल सेनाका महारथी पूर्णचन्द्र थापाले अपांगता भएका भूतपूर्व नेपाली सेनाका जवान तथा उनका सन्तानहरुलाई ह्वीलचियर, बैशाखी वितरण गर्नुयभो ।
त्यस्तै कार्यक्रममा भूतपूर्व सैनिकहरुलाई उद्यमशिलतामा प्रवद्र्धन गर्ने उद्देश्यले नेपाली सेनाको लघुविद्य कर्जा कार्यक्रम अन्तर्गत विभिन्न अवकार प्राप्त नेपाली सेना तथा उनको परिवारलाई तीन लाख रुपैयाँ सहयोगको चेक हन्तान्तरण गरिएको थियो ।
कार्यक्रममा नेपाली सेनासँगै राष्ट्रिय सेवा दलका विद्यार्थीहरुले नारु नृत्य, सरायो नाच, लाखे नाच, भुमे नाच, साँकेला नाच र टप्पा नाचसँगै सेनाले खुकुरी, तेक्वान्दो र पिटीलगायत प्रस्तुत गरिएको श्री रिपुमर्दन गणका गणपति कर्णेल सुमन थापा मगरले जानकारी दिनुभएको छ ।