प्रकशित मिति : १३ माघ २०७६, सोमबार ०८:०७

(भावना हमाल)
दैलेख माघ १३ ट्रयाक्टर दुर्घटना एक जनाको मृत्यु भएको छ । भे १ त ९७७० नम्बरको ट्रयाक्टर दुर्घटनामा भगवतीमाई गाउँपालिका–५ कट्टी २० वर्षीय भीमबहादुर बिकको ज्यान गएको प्रहरी चौकी बेस्तडाका प्रहरी सहायक निरीक्षक मनोज कँडेलले जानकारी दिनुभयो ।
जाजरकोटको सुयडाबाट दैलेखको बेस्तडाका लाागि जाँदै गरेको उक्त ट्रयाक्टर तीब्र गतिका कारण भगवतीमाई गाउँपालिका–४ को मन्घरमा दुर्घटनामा परेको बताइएको छ । गति नियन्त्रण गर्न नसक्दा करिव २ सय मीटर तल खोल्सा खसेको प्रारम्भिक अनुसन्धानबाट खुलेको प्रहरीले जनाएको छ । दुर्घटनामा परी भगवतीमाई गाउँपालिका–५ कट्टीका १९ वर्षीय सहचालक ललित बिक र सुर्खेतको बराहताल गाउँपालिका–२ हरिहरपुरका २८ वर्षीय चालक दिपक बिक घाइते हुनुभएको प्रहरीले जनाएको छ ।
घाइते मध्ये सहचालक ललितलाई स्वास्थ्य केन्द्र बेस्तडामै उपचार चलिरहेको र चालक दिपक बिकलाई दैलेख अस्पतालमा थप उपचारपछि नेपालगञ्ज पठाइएको दैलेख अस्पतालका डा. निरञ्जन पन्तले जानकारी दिनुभयो । चालक दिपको टाउको र खुट्टामा कडा चोट लागेकोले पठाइएको बताइएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2020 AbcSanchar.com