दाङ । तुलसीपुर नेपालकै सबै भन्दा पुरानो विमान स्थल मध्यको एक टरिगाउँ विमान स्थल निर्माण हुनुपर्ने माग गर्दै तुलसीपुर बनाऔं अभियानले एयरपोर्टमा धर्ना दिएको छ ।
विभिन्न प्लेकार्ड र व्यानरसहित अभियानका संयोजक सर्जन परियारको नेतृत्वमा स्थानीयबासीहरुको सहभागितामा धर्ना गरिएको थियो ।
संयोजक परियारका अनुसार एयरपोर्ट निर्माणका लागि टरिगाउँ अनि तुलसीपुर बजारमा समेत धर्ना कार्यक्रमको आयोजना निरन्तर गरिनेछ । यता घोराही बनाऔं अभियानका संयोजक सविन प्रियासनले टरिगाउँ एयरपोर्ट निर्माणका लागि तुलसीपुर बनाऔं अभियानले सुरु गरेको पछिल्लो धर्ना कार्यक्रमलाई समर्थन गर्नु भएको छ । एयरपोर्ट निर्माणका लागि विभिन्न कार्य गरिरहनु भएका प्रियासनले टरिगाउँ विमान स्थल जसरी पनि बन्नुपर्ने र यसको लागि आफुहरुले पनि सबै खाले साथ सहयोग दिने बताउनुभयो ।
