०२ फाल्गुण २०८१, शुक्रबार
14-02-2025 , Fri
×

झारफुकको नाममा बालिका बलात्कार गर्ने दुई जना पक्राउ

Logo
प्रकाशित आइतबार, माघ २६, २०७६

कैलाली माघ २६ झारफुक गर्ने बहानामा बालिका बलात्कार गर्ने एकजनालाई प्रहरीले नियन्त्रणमा लिएको छ । कैलाली जिल्ला घोडाघोडी नगरपालिका –१, हिम्मतपुरका ४५ वर्षीय हरिप्रसाद डगौरालाई प्रहरीले पक्राउ गरेको हो ।
जिल्ला प्रहरी कार्यालय कैलालीका प्रहरी प्रवक्ता एवं प्रहरी नायव उपरीक्षक दक्ष बस्नेतका अनुसार बिरामी युवतीलाई झारफुक गर्ने बहानामा युवती बलात्कार गरेको अभियोगमा उनलाई नियन्त्रणमा लिइएको हो ।
१४ वर्षीया किशोरी बलात्कारको आरोपमा कैलालीको घोडाघोडी नगरपालिका–१, सुखडबाट डगौरालाई पक्राउ गरिएको थियो । माघ २१ गते बालिका बलात्कृत भए पनि ढिलो गरी जानकारी पाएको प्रहरीले डगौरालाई शुक्रबार मात्रै नियन्त्रणमा लिएर जिल्ला प्रहरी कार्यालय कैलालीमा राखिएकोछ ।
प्रहरी नायब उपरीक्षक बस्नेतका अनुसार, बालिकाको आँखामा रहेको समस्या समाधानका लागि झारफुक गर्न गएको बेला डगौराले मन्दिरमा नरिवल चढाउने बहानामा घोडाघोडी तालक्षेत्रको जंगलमा लगेर बलात्कार गरेको बताएकी छन् ।
यसैबीच बलात्कारकै अभियोगमा १५ वर्षीय बालक पनि पक्राउ परेका छन् । १४ वर्षीया बालिका बलात्कारको आरोमा घोडाघोडी नगरपालिका–८, का एक बालकलाई पक्राउ गरिएको हो ।
ईलाका प्रहरी कार्यालय, सुखडका प्रहरी प्रमुख प्रहरी निरीक्षक हरिशरण भट्टका अनुसार बालकमाथि लागको अभियोगबारे अनुसन्धान भइरहेको छ ।

कमेन्ट गर्नुहोस्
सम्बन्धित

  पक्राउ पर्नेमा वीरगञ्ज महानगरपालिका–१६ घर भइ होटल चलाउँदै आएका ४५ वर्षीय गिनीलाल गुप्ता र भारतको बिहार पूर्वी चम्पारण थाना नकरदेही ग्राम भवानीपुर–६ घर भएका ४० वर्षीय जयप्रकाश साह छन् । उनीहरुलाई बिहीबार पर्सा प्रहरीले पक्राउ गरेको हो। महिलालाई यौन व्यवसायमा लगाएको आरोपमा होटल स्मार्ट र न्यू शान्ति सैनिक होटलबाट गरी ४ जनाको उद्दार समेत […]

  काठमाडौँ । बाराको कलैया उपमहानगरपालिका १ भवानीपुरस्थित सुधार केन्द्रमा कुटपिटबाट एक जनाको मृत्यु भएको छ ।

  काठमाडौं । विराटनगर महानगरपालिका ३ पिपल चोकनजिक पूजा इन्टरनेसनल नेपाल प्रा‍लिले सञ्चालन गरेको फोक्स बगान कम्पनीको शोरुमबाट गाडी चोरेर भागेका एक जना पक्राउ परेका हुन्। कोशी राजमार्गसँगै जोडिएको उक्त शोरूममा बिहीबार मध्यरातमा गाडी चोरेर एक व्यक्ती भागेका थिए । पक्राउ पर्नेमा गढी गाउँपालिका–४ घर भई विराटनगर–४ मा बस्दै आएका २४ वर्षीय मन्तोषकुमार बिन रहेका […]

error: Content is protected !!