रुपन्देही । भैरहवा जिल्ला प्रहरी कार्यालय रुपन्देहीले गोप्य सूचनाका आधारमा गरेको अपरेसनमा एक भारतीय नागरिक र पाँच नेपाली नागरिकलाई पक्राउ गरेको हो । उनीहरूको साथबाट एक हजार दरका नक्कली नेपाली नोट छाप्ने मेसिन तथा ५ लाख ९२ हजार रुपैयाँ बराबरका नक्कली नोट बरामद गरिएको प्रहरीले जनाएको छ ।
गिरोहले नेपाली युवाहरूलाई प्रयोग गर्दै आफ्नो सञ्जाल विस्तार गरेको खुलेको घटनाका मुख्य योजनाकार अर्का एक भारतीय नागरिक खोजी भइरहको छ ।
घटनाबारे थप अनुसन्धान जारी रहेकोले भोलि थप केही नयाँ तथ्य आउन सक्ने प्रहरीले जनाएको छ । घटनाबारे विस्तृत विवरण भोलि बुधबार दिउँसो जिल्ला प्रहरी कार्यलयमा पत्रकार सम्मेलनमार्फत सार्वजनिक गर्ने तयारी प्रहरीको छ ।
