चितवन । लगातारको वर्षापछि मुग्लिन नारायणगढ सडकखण्डका विभिन्न स्थानमा पहिरो झर्नुका साथै माथिबाट लेदो बग्दा सडक एकतर्फी अवरुद्ध भएको छ।
सडक डिभिजन भरतपुरका अनुसार तुईनखोला, नाम्सीखोला, सिमलताल लगायतका क्षेत्रमा पहिरो र लेदोले सडक प्रभावित बनेको हो। सडक खुलाउने उद्देश्यले डोजरसहितका उपकरण परिचालन गरी पहिरो हटाउने काम भइरहेको छ।
निरन्तर वर्षा भइरहेकाले थप पहिरो खस्ने जोखिम रहेको भन्दै यात्रु तथा सवारी चालकलाई अत्यन्त सावधानी अपनाउन र आवश्यक परे मात्र यात्रा गर्न सम्बन्धित निकायले आग्रह गरेको छ। सडक पूर्ण रूपमा सञ्चालनमा नआएसम्म सवारी आवागमन आलोपालो (एकतर्फी) रूपमा सञ्चालन भइरहेको छ।
