सर्लाही । बरहथवा नगरपालिका वडा नम्बर- ९ मुर्तिया बस्ने ३५ वर्षीय रामपृत महतोलाई आइतबार दिउँसो आफ्नै घरमा नाम नखुलेको किराले दाहिने खुट्टामा टोकेको थियो।
टोकाइपछि गम्भीर बिरामी परेका उनलाई आफन्तले उपचारको लागि नारायणी अस्पताल वीरगञ्ज लगेका थिए।
अस्पताल पुर्याउनासाथ स्वास्थ्य परीक्षण गरेर चिकित्सकले उनको मृत्यु भइसकेको घोषण गरेका थिए।
उनलाई टोक्ने किरा विषालु सर्प हुन सक्ने अनुमान प्रहरीले गरेको छ।
जिल्ला प्रहरी कार्यालय सर्लाहीका डीएसपी बेदप्रसाद गौतमले पीडित परिवारले टोक्ने सर्प नदेखेपछि किराले टोकेको भनेका हुन सक्ने बताए।
घटनाको जानकारी पाएपछि इलाका प्रहरी कार्यालय मुर्तियाबाट प्रहरी नायव निरीक्षक कृष्ण आचार्यको कमाण्डमा खटिएको प्रहरी टोलीले अनुसन्धान अघि बढाएको गौतमको भनाइ छ।
