काठमाडौं । नुवाकोटको विदुर नगरपालिका-४ बट्टारमा आइतबार दिउँसै घरभित्र प्रवेश गरी लुटपाट भएको छ।
स्थानीय बाबुराम अधिकारीको घरमा अपरिचित व्यक्तिहरू प्रवेश गरी अधिकारीले लगाएको सुनको सिक्री र उहाँकी पत्नीले लगाएको कानको टप थुतेर फरार भएका हुन्।
दिउँसोको समयमा घरमा पसेका लुटेराहरूले एक्कासि आक्रमण गरी गहना लुटेको पीडित परिवारले बताएका छन्।
घटनाबारे जानकारी पाउनासाथ जिल्ला प्रहरी कार्यालय नुवाकोट र प्रहरी चौकी बट्टारको टोली घटनास्थलमा पुगेर अनुसन्धान सुरु गरेको छ।
फरार व्यक्तिहरूको खोजी भइरहेको र सीसीटीभी फुटेज समेत हेर्ने काम भइरहेको प्रहरीले जनाएको छ।
