नुवाकोट । अविरल वर्षापछि त्रिशुली र तादी नदीको बाढीले डुबानमा परेको ऐतिहासिक देविघाट क्षेत्रको प्रहरी महानिरीक्षक (आईजीपी) नारायण दत्त पौडेलले स्थलगत अवलोकन गर्नुभएको छ।
बाढीले देविघाट बजार क्षेत्रका दर्जनौँ घर, पसल र मन्दिर परिसर जलमग्न भएका छन्। निरन्तरको वर्षाले त्रिशुली नदीको जलसतह बढ्दा तल्लो बजार क्षेत्र डुबानमा परेको हो।
अवलोकनका क्रममा आइजीपी पौडेलले:
स्थानीय बासिन्दा र प्रभावित व्यापारीसँग भेटघाट गरी क्षतिको विवरण लिनुभयो उद्धार तथा सुरक्षामा खटिएका प्रहरी कर्मचारीलाई निर्देशन दिनुभयो जोखिममा रहेका परिवारलाई सुरक्षित स्थानमा सार्न तत्काल पहल गर्न निर्देशन दिनुभयो ।
प्रहरीले बाढी प्रभावित क्षेत्रमा नियमित गस्ती र उद्धार कार्य जारी राखेको छ। नदीको सतह अझै उच्च रहेकाले नदी किनारका बस्तीका बासिन्दालाई सतर्क रहन र सुरक्षित स्थानमा जान प्रहरीले आग्रह गरेको छ।
