हेटौंडा । कुलेखानी-सिस्नेरी-फर्पिङ सडक खण्डमा सवारी चाप अत्यधिक बढेको छ।
पृथ्वी राजमार्ग अन्तर्गत मुग्लिन-नौबिसे सडकको कृष्ण भिरमा पहिरोको उच्च जोखिम र अन्य स्थानमा बाढी पहिरोका कारण राजमार्ग बन्द भएपछि यो वैकल्पिक बाटोमा चाप बढेको हो।
मुख्य राजमार्ग बन्द हुँदा काठमाडौं भित्रिने र बाहिरिने अधिकांश साना तथा ठूला सवारी साधन यही बाटो भएर गइरहेका छन्। साँघुरो र घुमाउरो सडकमा एक्कासि चाप बढ्दा जामको समस्या समेत देखिएको छ।
लामो जाम र जोखिमयुक्त यात्रा भएकाले अत्यावश्यक काम बाहेक यात्रा नगर्न र वैकल्पिक बाटोको अवस्थाबारे बुझेर मात्र यात्रा गर्न ट्राफिक प्रहरीले अनुरोध गरेको छ।
