दाङ । तुल्सीपुर लुम्बिनी प्रदेश प्रहरी कार्यालय, जिल्ला प्रहरी कार्यालय दाङ तथा इलाका प्रहरी कार्यालय तुलसीपुरको संयुक्त प्रहरी टोलीले तुलसीपुर उपमहानगरपालिका क्षेत्रबाट ११ बोरा अवैध पटाका बरामद गरी ३ जनालाई नियन्त्रणमा लिएको छ।
मिति २०८३/०५/१९ गते राति सञ्चालन गरिएको विशेष कारबाहीका क्रममा तुलसीपुर उपमहानगरपालिका–५, नामेनगरस्थित एक किराना पसलको गोदामबाट ५ बोरा ठूला र ३ बोरा साना गरी ८ बोरा पटाका बरामद गरिएको हो। उक्त घटनामा संलग्न रहेको आरोपमा तुलसीपुर–५ निवासी वर्ष २१ का प्रेम कसौधन र तुलसीपुर–५, ग लाइन निवासी वर्ष २१ का संजिव गुप्तालाई नियन्त्रणमा लिइएको छ।
त्यसैगरी, तुलसीपुर उपमहानगरपालिका–६, बरुवागाउँस्थित कोठाबाट थप ३ बोरा पटाका बरामद गरी तुलसीपुर–६, घोराही रोड निवासी वर्ष २४ का कैलाश कुमार गुप्तालाई पनि नियन्त्रणमा लिइएको छ।
बरामद गरिएका पटाकासहित तीनै जनालाई नियन्त्रणमा लिई इलाका प्रहरी कार्यालय तुलसीपुरमा राखी आवश्यक अनुसन्धान कार्य भइरहेको छ।
