(सागर थापा/महेन्द्र सिंह)
बाँके फागुन १४ कोहलपुरमा केही दिन यता बालिकाको बलात्कार गरेको आरोपमा बाँके कोहलपुरका एक युवक पक्राउ परेका छन् । गत शनिबार साँझ कोहलपुर नगरपालिका १२ की एक बालिका साथीहरुसँग बयर खान जंगल गएको बेला बलात्कारमा परेकी थिइन् ।
बालिकालाई बलात्कार गरेको आरोपमा सोही ठाउँका ३० वर्षिय भोज बहादुर थापा पक्राउ परेको इलाका प्रहरी कार्यालय कोहलपुरले जनाएको छ । बालिकाका परिवारले थापाले बलात्कार गरेको भन्दै कोहलपुरमा प्रहरीमा उजुरी दिएका थिए ।
घटना लगत्तै फरार रहेका आरोपित थापालाई इलाका प्रहरी कार्यालय कोहलपुरबाट खटिएको प्रहरी टोलीले मंगलबार बर्दियाको बाँसगढीमा लुकिछिपी बसेको अवस्थामा नियन्त्रणमा लिएको थियो ।उनीमाथि थप अनुसन्धान भइरहेको ईलाका प्रहरी कार्यालय कोहलपुरका प्रहरी प्रमुख डिएसपी कुलदिप चन्दले जानकारी दिनुभएको छ ।
