सागर थापा/महेन्द्र सिंह
बाँके फागुन १८ सशस्त्र प्रहरी बल नेपाल ४० नम्बर गुल्म राजस्व तथा भन्सार गस्ती नेपालगन्ज बाँकेले शनिबार ३ लाख ३० हजारको अबैध २२ थान विभिन्न कम्पनीका चोरीपैठारी मोबाइलहरु पक्राउ गरेको छ ।
भारतको रुपैडियाबाट अवैध रुपमा भन्सार छली नेपालतर्फ ल्याउँदै गरेको अवस्थामा उक्त अबैध चोरीपैठारी विभिन्न कम्पनीका २२ थान मोबाइलहरु सशस्त्र प्रहरी बल नेपाल ४० नम्बर गुल्म बाँकेका सशस्त्र प्रहरी प्रमुख डिएसपी नवराज बोहराको कमान्डमा खटिएको सशस्त्र प्रहरी टोलीले बरामद गरेको हो । बरामद २२ थान मोबाइलहरु नेपालगन्ज भन्सार कार्यालय बुझाएको डिएसपी बोहराले जानकारी दिनुभएको छ ।
