बिदुर एम सी,
भालुवाङ्ग, १५ फागुन । दाङ्ग देउखुरीको राप्ती गाउँपालिका सडक मानवमुक्त घाेवणा भएको छ ।
बिहीबार अपरान्ह गाउँपालिकाकाे कार्यालय परिसर मसुरियामा साे घाेषणा कार्यक्रम सम्पन्न भयो ।
प्रदेश नम्बर ५ का सामाजिक विकास मन्त्री सुदर्शन बराल र राप्ती गाउँपालिकाका अध्यक्ष नुमानन्द सुवेदीले संयुक्तरूपमा पानसमा बत्ती बालेर कार्यक्रमको घोषणा गरेका थिए ।
कार्यक्रमका प्रमुख अतिथि समेत रहेका मन्त्री बरालले यसरी मानवमुक्त सडक घोषणा गर्नेमा यो राप्ती गाउँपालिका देशकै दोस्रो पर्ने बताए ।
यो घोषणा कार्यक्रम पश्चात् अबउप्रान्त राप्ती गाउँपालिकाका सडकमा कुनैपनि प्रकारका मानवले अाकाशलाई छानो बनाएर बेवारिसे जीवन बिताउनुपर्ने छैन ।
कार्यक्रमकाे घाेषणापश्चात मन्त्री बराल र अध्यक्ष सुवेदीले घाेषणापत्र जारी गर्दै त्यसमा हस्ताक्षर समेत गरेका छन् ।
