प्रकशित मिति : १९ फाल्गुन २०७६, सोमबार १४:००

बन्द उल्लंघन गरे कार्वाही हुने थारूहट थारुवान राष्ट्रिय मोर्चा केन्द्रले फागुन २० र २१ गते दुई दिन आम हड्तालको घोषणा गरेको छ । थारुहटले बर्षौ देखिको शोषण, दमन, बिभेद, असमानताका र उत्पीडनको पिडा बाट मुक्ती खोज्दै अधिकारका लागि शान्तीपुर्ण आम हड्ताल गर्ने भएको छ ।
कैलालीका रेशमलाल चौधरी, बिरबहादुर चौधरी, हरिनारायण चौधरी लगायतका ब्यतिको मुद्दा फिर्ता, गरि बन्दीहरुलाई रिहाई गर्नु पर्ने, टिकापुर घटनाको सत्य तथ्य घटना बारे छानबिन गर्नुपर्ने, थारु भाषालाई सरकारी कामकाजको रुपमा मान्यता दिनुपर्ने, माघे सक्रान्तीमा सार्वजनिक बिदा दिनुपर्ने लगायतका थारुहटका १४ बुदे बिभिन्न माग सहित २० र २१ गते नेपाल बन्द हुने भएको हो ।
सरकार संग १४ बुँदे माग राख्दै आन्दोलनरत मोर्चाले सरकारलाई दबाब दिई आफ्ना माग मुद्धा पुरा गराउन दोस्रो चरणको कार्यक्रम अन्तर्गत यहि फागुन २० र २१ गते शान्तिपूर्ण सशक्त आम हड्तालको कार्यक्रम घोषणा गरेको छ ।
मोर्चाका केन्द्रिय संयोजन समितिका महासचिव तुलसी थारुद्वारा हस्ताक्षरित विज्ञप्तीमाा आमहड्तालको क्रममा कलकारखाना, उद्योगधन्दा, व्यापार व्यवसाय, शिक्षण संस्था लगायत यातायातका साधन पूर्ण रुपमा बन्द रहने जनाएको छ ।आमहड्ताल अवज्ञा गरी सवारी साधन चलाएमा उत्पन्न हुने परिस्थितिको सम्पूर्ण जिम्मेवारी नेपाल सरकार र स्वयम् रहने पनि मोर्चाले जनाएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com