दाङको तुलसीपुरमा नेपाल प्रहरीसंग अभद्र ब्यवहार गरेको आरोपमा दाङको तुलसीपुरमा एक जना पत्रकार पक्राउ परेका छन् ।
इलाका प्रहरी कार्यालय तुलसीपुरका प्रहरी प्रमुख डिएसपी हरिहरनाथ योगीका अनुसार पत्रकार आचार्यलाई मापसे गरेर प्रहरीसंग अभद्र ब्यवहार गरेको आरोपमा पक्राउ गरिएको हो ।
उनले प्रहरीसंग विवाद गरेका कारण पत्रकार भनिने आचार्यलाई एक दिन थुनेर कारवाही गरिएको जानकारी दिए ।
मापसे गरेर पत्रकार आचार्यले प्रहरीसंग विवाद गरे,विवाद गरेपछि प्रहरीले उनलाई नियन्त्रणमा लिएर एक दिन हिरासतमा राखेको हो,डिएसपी योगीले भने,– मापसे गरेर प्रहरीसंग विवाद गरेपछि घर जानुहोस भनेर भन्यौ,तर, मलाई पक्राउ गरेर देखाउन भनेर धम्की दिए,त्यसपछि इप्रका तुलसीपुरका प्रवक्ताको नेतृत्वमा खटेको प्रहरी टोलीले पक्राउ गरेर सोमवार नियन्त्रणमा ल्याएको थियो ।
उनलाई मंगलवार बिहान प्रहरीले छाडेको हो । आचार्य यस अगाडि पनि तुल्सीपुरको एक होटलमा मापसे गरेर केही ब्यक्तिसंग झगडा गरेर विवाद गरेपछि तत्कालिन जिल्ला प्रहरी कार्यालय दाङका तत्कालिन एसपी धिरज प्रताप सिँहले झन्डै ४ दिन हिरासतमा नियन्त्रणमा लिएका थिए ।
उनी जिल्ला प्रशासनवाट सो समयमा धरौटी तिरेर छुटेका थिए । मापसे गरेर उनि पटक–पटक विवादमा आएका ब्यक्ति हुन् । आचार्य प्रदेश अनलाइनका सञ्चालक हुन भने जनता टिभि र बुटवल अनलाईनका जिल्ला समाचारदाता हुन । (फरक-कोणबाट साभार)
