विप्लव नेतृत्वको नेकपाले सरकारी दमनको प्रतिरोध कारबाहीबाहेक अन्य आक्रामक कारबाहीहरू बन्द गरिएको जनाएको छ। नेकपा महासचिव नेत्र विक्रम चन्द विप्लवले तत्काल पार्टी कार्यकर्ता र जनसेनाहरूलाई आफू सचेत बन्दै आमजनतालाई कोरोनाविरुद्ध जागरुक हुन निर्देशन पनि गरेका छन्। महासचिव विप्लवले सोमबार विज्ञप्ति जारी गर्दै भनेका छन्, ‘कोरोना भाइरसले विश्वमानव समुदायलाई ठूलो क्षति पुर्याएको छ। हालसम्म नेपाली जनतालाई क्षति नपुर्याउनु खुसीको कुरा हो। तर,जोखिम कायमै छ। यस्तो जोखिमको परिस्थितिमा सारा देश एकताबद्ध भएर आफ्नो काममा लाग्नुपरेको छ।’ ज्ञिप्तिमा अगाडि भनिएको छ, ‘हाम्रो पार्टी नेपाल कम्युनिस्ट पार्टी कोरोना सङ्क्रमणका विरुद्ध आमनागरिकलाई सचेत रहन आग्रह गर्दछ। यो बेला देशका सबै चिकित्सक एवम् स्वास्थ्य–कार्यकर्ताहरूलाई जनताको सेवामा लाग्न अनुरोध गर्दछ।’
