सरकारले देशभर लगाएको जनता कर्फ्युको नागरिकहरुको सर्मथन

दाङमा कोरोना रोकथामका लागि सरकारले आब्हान गरेको देशभर जनता कर्फ्युको आज दोस्रो दिनमा पनि नागरिकले समर्थन गरेका छन् । दाङमा पहिलो दिनको तुलनामा आज दोस्रो दिनमा जनता कर्फ्युको प्रभाव परेको छ ।
बुधबार बिहानैदेखि दाङमा अत्यवश्यक सवारी साधनबाहेक अरु सवारी साधन संचालनमा आएका छैनन् । नागरिकहरु पनि घरबाहिर निस्केका छैनन् ।
सुरक्षा निकाय पत्रकार एम्बुलेन्स र अत्यावश्यक काममा खटिनेहरुको लागि विशेष पास लिएका गाडी भने चलेका छन् । यो निर्णय आउँदो चैत १८ गतेसम्म लागु हुने भनिएपनि लम्बिन सक्ने सरकारले जनाएको छ ।
यसैबिच दाङमा जिल्ला प्रशासनले खाद्यान्न खरिद गर्ने समय विहान ६ देखी ९ बजे सम्म तोके अनुसार आज बिहान तीन घण्टा खाद्यान्न तथा अत्यावश्यक पस खुल्ला रहेका थिए । जिल्ला प्रशासन कार्यालयले जारी गरेको सार्वजनिक सूचनामा बिहान ६ देखी ९ बजेसम्म तीन घण्टाको समयमा खाद्यान्न खरिदको समय तोकेको उल्लेख छ । यसैबीच सरकारले परिस्थिति अनुसार जनता कर्फ्यु लम्बिन सक्ने दाङ प्रशासनले जनाएको छ