देविराम कुसारी
दाङ चैत्र १५ फुलबारी तुलसीपुरको सिस्ने वोर्डिङ स्कुलका सञ्चालक एंव अजम्वरी कृषी सहकारी संस्थाका सचिव नवराज वलीले समस्यामा परेका ४० घर विपन्नलाई खाद्यान्न सामाग्री वितरण गर्नुभएको छ ।
कोरोना भाइरसका कारण सरकारले गरेको लकडाउनको निर्णयलाई सहयोग गर्न र विन्न जनतालाई समस्यामा पर्न नदिन भन्दै व्यपारी वलीले आज विभिन्न टोलका विपन्नलाई सामाग्री वितरण गर्नुभएको हो । वलीले प्रति व्यक्ति एक वोरा चामल, एक लिटर तेल, एक प्याकेट नुन र एक वटा साबुनका दरले सामाग्री वितरण गर्नुभएको हो । तुलसीपुर उप–महानगरपालिका ५ वस्ने वलीले आफ्नो वडाका विशालनगर, वुद्धनगर, श्रद्धानगर स्वर्गद्धारी टोलका विपन्नलाई सो सामाग्री वितरण गरेको जानकारी दिनुभएको छ ।
यस अघि विभिन्न सामाजिक काम गर्दै आउनु भएका समाजसेवी वलीले कोराना भाइरस आतंकको वेला कुनै पनि व्यक्तिले समस्या भोग्नु नपरोस् भने यो सहयोग गरेको जानकारी दिनुयने । उहाँले समस्याकै कारण सरकारले गरेको लकडाउनको निर्णयलाई उलंघन नगरुन भन्ने उदेश्यले पनि आफुले सामाग्री वितरण गरेको हामीसंग वताउनुभयो ।
