नागरिकहरुको जीवन रक्षानै प्रहरीको लक्ष्य हो एसपी : पन्त

जिल्ला प्रहरी कार्यालय पर्साका प्रहरी प्रमुख एसपी गगा पन्तले नेपाल प्रहरी संगठनले आफ्नो कार्य सम्पादनको दौरान कुनै जात धर्म लिङ्ग वा क्षेत्र विशेषको आधारमा काखा पाखा गर्दैन । नेपाल प्रहरीका सदस्यहरुले जुनसुकै युनिटमा रहँदा पनि गर्ने काम भनेको सत्य , सेवा सुरक्षणमको मूल नाराको स्मरण, देश र जनताको जिउ धनको रक्षा अनि समाजलाइ शान्त र सुरक्षित राख्न आवश्यक कदम चाल्ने मात्रै हो । जुन सबै प्रहरीको दैनिकी हो । कोहि कसैले प्रहरीले कुनै धर्म विशेषकालाई अन्यथा व्यवाहार गरको भनेर कुप्रचार गर्छ भने त्यो कहीं कतै पनि यथार्थ हुनै सक्दैन, त्यस्ता कुराहरु केवल अफवाह हुने गर्छन , र त्यसलाइ त्यसै गरेर बुझिनु पर्छ । सम्पूर्ण नागरिकहरुको जीवन रक्षानै प्रहरीको एक मात्रै लक्ष्य रहन्छ र प्रहरीले जे गर्छ आफ्नो मूल लक्ष्यलाइ ध्यानमा राखेर गर्छ ।