महेन्द्र सिंह
बाँकेमा प्रहरीलाई हातपात तथा कुटपिट गरेको आरोपमा बाँकेमा एकजना पक्राउ परेका छन् । पक्राउ पर्नेमा नेपालगन्ज उपमहानगरपालिका–२१ का ३० वर्षीय दुर्गेस ठाकुर छन् ।
प्रहरीका अनुसार सोही ठाउँस्थित पुरैनीमा जग्गासम्बन्धी विवादमा संलग्नहरुलाई सम्झाई बुझाई गरी फर्किएको प्रहरी टोलीलाई देखेर आँप बगैंचामा तास खेलिरहेका एक व्यक्ति भाग्ने क्रममा लडेर घाइते भएका थिए ।
उनलाई प्रहरीले कुटपिट गरी घाइते बनाएको भन्दै स्थानीयले प्रहरीमाथि हातपात र कुटपिट गर्दा प्रहरी चौकी तेलियनपुरमा कार्यरत एक प्रहरी जवान समेत घाइते भएका छन् । लडेर घाइते भएका स्थानीयको भेरी अस्पताल नेपालगन्जमा सामान्य अवस्थामा उपचार भइरहेको छ भने घाइते प्रहरी जवान नर्सिंङहोम नेपालगन्ज बाँकेमा उपचार पश्चात् डिस्चार्ज भएका छन्
