१२ साउन २०८२, सोमबार
28-07-2025 , Mon
×

भाग्यमानी अनिल र शर्मिलाको जोडी भए डीएसपीमा बढुवा

Logo
प्रकाशित बिहिबार, जेठ १५, २०७७

(एबिसी संचार ब्युरो)
काठमाडौं आइतबार मध्यरातमा नेपाल प्रहरीका साठी प्रहरी निरीक्षक (इन्स्पेक्टर) हरु प्रहरी नायब उपरीक्षक (डीएसपी) मा बढुवाको लागि सिफारिस भए ।
रातको करिब २ बजे सार्वजनिक भएको बढुवा सिफारिस सुचीको १६ नम्बरमा शर्मिला गुरुङ र ३८ नम्बरमा अनिलकुमार घिमिरेको नाम डीएसपी बढुवाको लागि सिफारिस भयो । २०६७ भदौ २४ मा प्रहरी निरीक्षकको नियुक्ति लिएर संगै कठोर तालिममा होमिएका अनिल र शर्मिला नाताले श्रीमान श्रीमती हुन् ।
अनिल २०६४ पुस ८ मा प्रहरी सहायक निरिक्षक हुँदै २०६७ भदौ २४ मा खुल्लातर्फ प्रहरी निरीक्षकमा नाम निकाल्न सफल भएका थिए भने शर्मिला २०६७ भदौ २४ मा सिधै प्रहरी निरिक्षकबाट नेपाल प्रहरीमा सेवा प्रवेश गरेकी थिइन्। ईलाका प्रहरी कार्यालय बनेपाको प्रमुख भइ उत्कृष्ट कार्यसम्पादन गरिसकेका अनिलले महानगरीय अपराध महाशाखामा रहँदा नेपालमा अपराध गरेर भारतमा लुक्दै आएका दर्जनौ अपराधीहरुलाई पक्राउ गर्ने कामको नेतृत्व गरेका थिए ।
महानगरीय प्रहरी प्रभाग बलम्बुको प्रमुखको रुपमा उत्कृष्ट कमाण्ड सम्हालेकी शर्मिला अहिले प्रहरी प्रधान कार्यालयमा कार्यरत छिन भने अनिल संयुक्त राष्ट्रसंघीय मिसनमा कार्यरत छन् ।

कमेन्ट गर्नुहोस्
सम्बन्धित

खेतीको समयमा बाँके जिल्लामा मलको चरम अभाव किसानहरुले मल नपाएपछि तनाव र चिन्ता बाँके । पर्याप्त वर्षा नभएपछि मोटर र अन्य सिँचाइका माध्यमबाट धान रोपेका किसानहरुले मल नपाएपछि तनाव र चिन्ता बढेको गुनासो गरेका छन् । बाँकेका किसानलाई वितरण गर्ने लक्ष्य अनुसारको रासायनिक मल प्राप्त नभएकाले मलको अभाव भएको कृषि सामग्री कम्पनी लिमिटेड बाँकेका शाखा […]

मेष : दिन राम्रो छ। आज नयाँ मानिससँगको भेटले पुरानो कुराको सम्झना हुनेछ। शिक्षा र स्वास्थ्यमा सुधारमा संकेत देखिनेछन्। वैदेशिक रोजगारीमा लगानी गरेको भए फाइदा हुनेछ। परिवारसँगको सम्बन्ध सुमधुर रहला। वृष : दिन सामान्य राम्रो छ। सम्पत्ति आर्जन भएपनि स्वास्थ्यमा समस्या हुँदा मन दुखी हुनेछ। शिक्षामा लगानी गरेको भए ढिलासुस्ती हुनेछ। पारिवारिक सम्बन्ध सुमधुर रहला। […]

  कपिलवस्तु । शिवराज नगरपालिका वडा नम्बर ५ स्थित प्रगति टोलमा रहेको दीपक न्यौपानेको घरमा भएको चोरी घटनामा संलग्न अभियुक्तलाई प्रहरीले पक्राउ गरेको छ। गत साउन ६ गते राति भएको चोरी घटनाको अनुसन्धानका क्रममा घटनास्थल नजिकै रहेको सीसीटीभी फुटेजको आधारमा शंकास्पद व्यक्तिको खोजी थालिएको थियो। फुटेजमा कैद भएका व्यक्तिको हुलिया पहिचान गरी प्रहरीले व्यापक खोजतलास […]

error: Content is protected !!