(एबिसी क्राईम ब्युरो)
कोरोना नियन्त्रणको अग्रमोर्चामा खटिएका सुरक्षाकर्मीको सडक सुतेर रात बिताउन थालेका छन्। सदूरपश्चिमका नाकाबाट भारतमा अलपत्र परेका नेपालीको उद्धार सुरु भएपछि प्रहरी सडकमै बास हुन थालेको हो। सिमानाकामा चहलपहल बढेपछि डोटी जिल्लामा खटिएका प्रहरीले आफ्नो कार्यालय जानका लागि समेत फुर्सद पाएका छैनन्। भारतबाट फर्किएका नेपालीलाई गन्तव्य पुर्याउन प्रहरी खटिएका छन् ।
ईलाका प्रहरी कार्यालय दीपायलका प्रमुख प्रहरी नायव निरिक्षक रमेश शाहीका अनुसार भारतमा अलपत्र परेकाको उद्धार सुरु भएदेखि सुरक्षाकर्मी कार्यालयसमेत जान पाएका छैनन् । दरबन्दी अनुसार प्रहरी नहुँदा व्यवस्थापनमा समस्या थपिएको प्रहरी नायव निरिक्षक शाहीले जानकारी दिए। डोटी जिल्लामा चार सय २६ जनाको दरबन्दी छ,’ उनले भने, ‘तर हामीसंग दुई सय २६ जना प्रहरी कर्मचारी मात्रै उपलव्ध छन्। उनीहरु मध्ये अहिले अधिकासं प्रहरीलाई क्वारेन्टाइनमा खटाईएको छ।
भारतबाट फर्किएका नेपालीलाई गन्तव्य पुगाउन समस्या भईरहेको छ।’ भारतबाट आएकाहरुका कारण कोरोनाको जोखिम बढेको भन्दै स्थानीवासीले गाडी समेत रोक्न अवरोध गरिरहेका छन्। त्यसैले वन क्षेत्रमा गाडी रोकेपछि भारतबाट फर्किएका नेपालीहरु फ्रेस हुने गरेका छन् भने । सो समयमा सुरक्षाकर्मीहरु पनि सडकमै सुतेरआराम गर्ने गर्छन ।
