महेन्द्र सिंह
बाँके जेठ १९ हाइस दुर्घटना हुँदा १२ जनाको मृत्यु भएको छ । भारतका विभिन्न शहरबाट आएका नेपाली नागरिकलाई भारतको रुपैडिहा बजारबाटै हाइसमा राखेर सल्यानतर्फ जाँदै गरेको हाईस बाँकेको ठुरिया जंगलमा दुर्घटना हुँदा ११ जनाको घटना स्थलमा र १ जनाको उपचारका क्रममा मृत्यु भएको हो । हाइसमा ३३ जना यात्रु सवार रहेका थिए । ना ५ ख ५९९५ नम्बरको हाइस बाँकेको राप्ती सोनारी गाउँपालिका २ स्थित ठुरिया जंगलमा दुर्घटना हुँदा २१ जना घाइते भएका छन् । नेपालगन्जदेखि सल्यान तर्फजादै गर्दा ठुरिया जंगलमा दुर्घटना भएको कोहलपुर इलाका प्रहरी कार्यालयले जनाएको छ ।
आइतबार राती बा ४ ख ९०६४ नम्बरको रोकिएको ट्रकमा ठोक्किएर दुर्घटना भएको प्रहरीले जनाएको छ । घाईतेहरूको नेपालगन्ज स्थित भेरी अस्पतालमा उपचार भैरहेको अस्पतालले जनाएको छ । जसमध्ये ३ जनाको अवस्था गम्भीर रहेको भेरी अस्पताल नेपालगन्जका मेडिकल सुपरिटेन्डेन्ट डाक्टर प्रकाश थापाले बताउनुभयो । प्रहरीले मृतकको सनाखत सुरु गरिसकेको छ ।
