सागर थापा
दाङ इलाका प्रहरी कार्यालय तुलसीपुरले अपराधमुक्त समाज निर्माणका लागि टोल टोलमा सुरक्षा समिति निर्माणको योजना अघि सारेको छ ।
इलाका प्रहरी कार्यालय तुलसीपुरका प्रहरी प्रमुख डिएसपी शिबबहादुर सिंहले बिहिबार कामको समिक्षा गर्दै अपराधिक घटना न्युनिकरणका लागि टोल टोलमा सुरक्षा समिति निर्माणको अवधारणा अघि सारेको बताउनु्भयो ।
अपराध बढ्दै गएको अवस्थामा प्रहरीको जनशक्ति पर्याप्त नभएकाले अपराधिक गतिविधिमा कमि ल्याउन टोलटोलमा सुरक्षा समिति प्रभावकारी बन्ने उहाँले बताउनुभयो । प्रहरीले सबै टोल विकास संस्थालाई समेटेर सुरक्षा समिति निर्माण गर्ने भएको हो । यस्तै प्रहरीले घरेलु मदिरालाई रोक्नका लागि वडा अध्यक्षसंग समन्वय भइरहेको डिएसपी सिंहले बताउनुभयो ।
यस्तै उहाँले लागुपर्दाथ दुव्र्यसनीलाई निरुत्साहित गर्नका लागि अवैध गाँजा नष्ट गर्नेदेखि सेवन तथा दुव्र्यसनकर्तालाई पक्राउ गरिरहरको बताउनु्भयो ।
इलाका प्रहरी कार्यालय तुलसीपुर अहिले सम्म एक महिनामा लागु औषध दुव्र्यसनीको आरोपमा ७ जनालाई पक्राउ गरिसकेको बताउनुभयो ।
यस्तै स्थानीय स्तरमा आफै उम्रिएको गाँजा नष्ट गर्ने अभियान पनि जारी रहेको डिएसपी सिंहले बताए ।
