२८ आषाढ २०८२, शनिबार
12-07-2025 , Sat
×

साउन ६ गतेदेखि सार्वजनिक यातायात पनि चल्ने तयारी महासंघ

Logo
प्रकाशित आइतबार, साउन ०४, २०७७

एबिसी संचार
काठमाडौं चैत ११ देखिको बन्दाबन्दीले अति प्रभावित यातायात क्षेत्रलाई मौद्रिक नीतिले सम्बोधन गरेपछि व्यवसायीले सार्वजनिक यातायात सञ्चालन गर्ने तयारी गरेका छन् ।
सरकारले असार अन्तिम साता छोटो दूरीमा (जिल्लाभित्रै) यातायात सञ्चालन खुला गरे पनि नेपाल यातायात व्यवसायी राष्ट्रिय महासङ्घलगायतले सञ्चालन गरेका थिएनन् । आफूहरूको माग मौद्रिक नीतिले सम्बोधन गरेको भन्दै महासङ्घले यातायात सञ्चालनको तयारी थालेको छ ।
महासङ्घका वरिष्ठ उपाध्यक्ष विजय स्वाँरले दुई/तीन दिनको तयारीपछि यातायात सञ्चालन गर्ने जानकारी दिए । उनले भने, “हामी भोलि र पर्सि सरकारसँग छलफल गरेर सम्भवत ६ गतेबाट गाडी चलाउँछौँ । मौद्रिक नीति ठीक छ तर लामो दूरीको पनि खोल्नुपर्छ, जिल्लाभित्रको खुलेर मात्र हुँदैन । ”
सरकारले मौद्रिक नीतिमार्फत यातायात क्षेत्रको बैङ्क सावाँ र ब्याज छ महिनादेखि एक वर्षसम्म समय थप गर्ने भएको छ । सहुलियतपूर्ण कर्जा, पुनर्कर्र्जाको व्यवस्था गरेको छ । कोरोनाबाट अति प्रभावित पेसा व्यवसाय सञ्चालनका लागि ५० अर्ब रुपियाँको कोष सञ्चालनमा ल्याएर यातायात क्षेत्रलाई पनि समेटिएको छ । जसले गर्दा यातायात सुचारु गर्न सहज भएको महासङ्घले जनाएको छ । गोरखापत्रबाट

कमेन्ट गर्नुहोस्
सम्बन्धित

दाङ । चौपटास्थित श्री महामृत्युञ्जय गोरखनाथ धाम मन्दिर परिसर र घोराही–लमही सडक अन्तर्गत चौपटा क्षेत्रमा महाकाल युवा समूहको टोलीले सरसफाई गर्नुका साथै मन्दिर परिसर र सडक छेउँमा फुल रोपण गरेको छ । नेपाल पत्रकार महासंघका केन्द्रीय सचिव एवम् महाकाल युवा समूह घोराहीका सल्लाहकार सविन प्रियासनले फुल रोपण एवम् सरसफाई गरेर कार्यक्रमको सुरुवात गर्नु भएको थियो […]

दाङ । तुल्सीपुर जिल्ला प्रहरी कार्यालय दाङका प्र.उ. अर्जुन प्रसाद तिमिल्सिना यस का.मा. पाल्नु भई यस कार्यालय तथा मातहतमा कार्यरत युनिट इन्चार्जहरु र इ.प्र.का. खिलतपुर दाङका इन्चार्ज समेत यस कार्यालयमा उपस्थित भई आ- आफ्नो वडा एरियाहरुमा बर्षातको समयमा बाढी, पहिरो तथा विपदबाट हुने सम्भावित घटनाहरुलाई समयमै सजकता अपनाई स्थानिय निकाय तथा सरोकारवालाहरुसंग समन्वय गरी हुन […]

  धनगढी । जिल्ला कारागार कैलाली भित्र फेरि कुटाकुटको घटना भएको छ । स्रोतका अनुसार शनिबार भएको झगडामा एक जना कैदीको नाकमा चोट लागेको छ । लफडाको सूचना पाएपछि जिल्ला प्रहरी कार्यालय, कैलालीका प्रमुख एसपी बाल नरसिंह राणा घटनास्थल पुगेका छन् । हाल उनी कारागारमै रहेर कैदी तथा थुनुवाहरूसँग घटनाको विवरण लिँदै अनुसन्धानमा जुटिरहेका छन् […]

error: Content is protected !!