एबिसी संचार
दाङ ईलाका प्रहरी कार्यालय तुलसीपुरका प्रहरी प्रमुख डिएसपी शिव बहादुर सिंहले दुव्र्यसनमुक्त र अपराधमुक्त गाउँपालिका निर्माणका लागि घरेलु मादक पदार्थ सेवनलाई रोक लगाउनु पर्ने बताएका छन् । समाजमा अपराधजन्य घटना घट्नुको मुख्य कारण लागुऔषध र मादक पदार्थ सेवन रहेको भन्दै यसलाई पूर्ण रुपमा रोक लगाउनु पर्ने प्रहरी प्रमुख सिंहले बताए ।
तुलसीपुर उपमहानगरपालिकाको नगर सभाबाट पास भईसकेको र नेपाल अधिराज्यमा पहिलो पटक तुलसीपुर उपमहानगरपालीका घरेलु मदिरा निषेधित क्षेत्र घोषणा भईसकेको बताउदै प्रहरी नायव उपरिक्षक सिंहले यहाँको जनप्रतिनिधीले साथ दिएमा यो कुरालाई जायज मानेमा दंगीशरण गाउँपालिकालाई पनि मदिरा निषेधित क्षेत्र बनाउँन सकिने बताए । ‘सभ्य समाज, अपराधमुक्त समाज निर्माणका लागि मदिरा निषेधित क्षेत्र हुनुपर्छ डिएसपी सिंहले भने ।’ निकट भविष्यमा यो कार्यक्रमले सफलता पाउन सक्नेछ ।
दंगीशरण गाउँपालिकाका राजनैतिक दल, नागरीक समाज, जनप्रतिनिधि, समाजसेवी, बुद्धिजिवी, प्रधानाध्यापक र स्थानीयहरु संगको टोल सुरक्षा, लागु औषध, मादक पदार्थ उत्पादन विक्रीवितरण, सेवन तथा शान्ति सुरक्षा व्यवस्था सम्बन्धी अन्र्तक्रिया कार्यक्रममा प्रहरी नायव उपरिक्षक सिंहले यस्तो बताएका हुन् ।
‘समाजले साथ दिएमा मात्र प्रहरीले आफनो काम कर्तब्य अगाडि बढाउँन सक्छ यसका लागि प्रहरी र नागरीकहरुको सामीप्यतामा अपराधजन्य कार्य न्यूनिकरण गर्नका लागि प्रहरीले वडा टोल सुरक्षा समिती गठन कार्यलाई अगाडि बढाएको हो ।’ जनता र प्रहरी बिचको सम्बन्ध विश्वासीलो बनाउनु पर्ने भन्दै दुई बिचको आपसी सहकार्य हुन जरुरी रहेको उनको भनाई थियो । एक अर्कालाई दोषारोपन गर्नुभन्दा पहिले अभिभावक स्वयम जिम्मेवार भएर लाग्नु पर्ने बताए ।
अन्र्तक्रियामा गाउँपालिका उपाध्यक्ष पिमा कुमारी खड्काले बालबालीकाको पहिलो पाठशाला भनेको घर र अभिभावक रहेको भन्दै आफनो छोराछोरीको रेखदेख अभिभावकले गर्नुपर्ने बताईन् । बालबालीकाहरु यूवावस्थामा विग्रने भन्दै सत्य समाज निर्माणका लागि पारीवारीक र सामाजीक दायीत्व निर्वाह गर्नु पर्ने उनको भनाई थियो ।
प्रहरी प्रशासनलाई गाउँपालिकाबाट हुने सहयोग भईरहेको भन्दै जनप्रतिनिधि, हरेक तहका नागरीक, प्रहरी प्रसाशन सधैँ हातेमालो गरेर अगाडि बढ्नु पर्ने बताईन् । सो अवसरमा नेकपा गाउँ कमिटी सदस्य खड्कविर चौधरी, नेपाली कांग्रेसका शोभाकर न्यौपाने, सुकदेवाका मटावाँ जगतराम चौधरी, नागरीक विरवल चौधरी, पार्वता कँडेल लगाएतले प्रहरीले टोल सुरक्षा समिती गठन गर्दा समाजमा सुरक्षाको दृष्टिकोणले सहज वातावरण निर्माण गरेको बताए । जनप्रतिनिधीहरु सुरक्षा जस्तो संवेदनशिल कार्यमा सक्रिय नभएको भन्दै जनप्रतिनिधिहरुको ध्यानाकर्षण गराए ।
यस्तै एनसीसी बैँक शाखा प्रमुख विशाल देवकोटाले प्रहरी कार्यालय बैँक कार्यालय नजिक रहेकाले पनि राम्रो सुरक्षाको दृष्टिकोणले राम्रो भएको बताए । कार्यक्रमको शहजीकरण ईलाका प्रहरी कार्यालय हेकुलीका प्रहरी नायव निरीक्षक कमल थापाले गरेका थिए ।
