सागर थापा दाङको लमही अस्थाई ट्राफिक प्रहरी पोष्टले वितेको आर्थिक वर्षमा थोरै राजस्व संकलन गरेको जनाएको छ । लकडाउनका कारण वितेको अार्थिक वर्षमा कम राजश्व संकलन गरेको हो । अघिल्लो आर्थिक वर्षमा ६३ लाख १८ हजार ५ सय राजस्व संकलन गरेको ट्राफिक प्रहरीले वितेको आर्थिक वर्ष ०७६/०७७ मा ४६ लाख ७२ हजार रुपैया राजस्व संकलन भएको लमही ट्राफिकका ट्राफिक प्रमुख प्रहरी निरीक्षक बाबुराम जिसीले जानकारी दिए । अमिलिया रिहार नर्ति र गढवामा कार्यरत प्रहरी टोलिद्वारा उक्त राजश्व संकलन भएको ट्राफिक प्रमुख प्रहरी निरीक्षक जिसीले बताए । ट्राफिक प्रहरीले कार्यक्षेत्रभित्र विभिन्न स्थानहरूमा छड्के सवारीसाधन चेकजाँच गर्दा ट्राफिक नियम उलंघन गर्ने यातायातका सवारी साधनहरूलाई कारवाही गर्दा जरिवाना स्वरूप उक्त रकम संकलन भएको ट्राफिक प्रमुख प्रहरी निरीक्षक जिसीले जानकारी दिनुभएको छ ।
