तेज वली दाङ तुलसीपुर अमिलीया सडकखण्डमा एम्बुलेन्स दुर्घटना हुँदा चार जना घाइते भएका छन् । बिहिबार बिहान साढे ३ बजेतिर तुलसीपुर उपमहानगरपालिका १३, अम्राई खोला स्थित नेपालगञ्जबाट लास तुलसीपुर तर्फ ल्याउदै गरेको रा १ च ३४८ नम्बरको एम्बुलेन्स अनियन्त्रीत भैइ पल्टिएको इलाका प्रहरी कार्यालय तुलसीपुरका प्रवक्ता चक्रडमर पालले बताए ।
पालका अनुसार एम्बुलेन्स चालक दंगिशरण गाउँपालिका २ बस्ने वर्ष ३४ का मिथु कुमार चौधरी, गाडीमा सवार तुलसीपुर उपमहानगरपालिका १८ बस्ने वर्ष ४४ की पुष्पा पुनमगर र छोरी वर्ष २१ की रोजिना बोहरा (आमाको उपचारमा संलग्न) घाइते भएका छन् ।
घाइते चारै जनालाई उपचारका लागि बाँके पठाइएको प्रहरीले बताएको छ । साथै एम्बुलेन्स पल्टी १०० मिटर तल झरेको प्रहरीले बताएको छ । एम्बुलेन्समा चार जना सवार रहेकोमा तीन जनाको अवस्था सिरियस भएको र एक जनाको अवस्था सामान्य रहेको प्रहरीले बताएको छ ।
