२५ आषाढ २०८२, बुधबार
09-07-2025 , Wed
×

सोच बदल्ने शान्त तलाउँ कार्यक्रम सप्पन्न

Logo
प्रकाशित शनिबार, साउन ३१, २०७७

सागर थापा
दाङ तुल्सीपुरमा एउटा रेडियो कार्यक्रम जसलाई सुनेर मानिसले सोच वदल्छन् । १८ वर्षदेखि मानिसमा सकारात्मक सोचको विकास गर्न निरन्तर सञ्चालन हुँदै आएको कार्यक्रम हो शान्त तलाउँ । यहि कार्यक्रमको मियो वनेर स्रोताको मन निरन्तर छामिरहेका छन् तुफानवाबु श्रेष्ठ ।
‘रेडियो पनि सुन्छन् र ? भन्नेलाई उनका कार्यक्रमका श्रृखलाहरु नै काफी छन् ’ सामुदायिक रेडियो प्रशारक संघका उपाध्यक्ष अर्जुन गिरीले भने । नेपाली रेडियोको इतिहासमा शान्त तलाउँ लिपिवद्ध हुने कार्यक्रम भएको उनको ठोकुवा थियो ।
शान्त तलाउँले २ सय ५० वटा श्रृखला पुरा गरेको अवसरमा आयोजना गरिएको अन्तक्र्रिया कार्यक्रममा बोल्दै कार्यक्रमका प्रमुख अतिथि नेपाल पत्रकार महासंघका वरिष्ठ उपाध्यक्ष विपुल पोख्रेलले समाज रुपान्तरणमा कार्यक्रमले अहम् भुमिका खेलेको वताए । केन्द्रबाट प्रशारित कार्यक्रम स्थानीय रेडियोले प्रशारण गरिरहेको अवस्थामा शान्त तलाउँ स्थानीय स्तरमा उत्पादन भएर केन्द्रमा प्रशारण हुने नमुनायोग्य कार्यक्रम भएको उनले दाबी गरे ।
‘रेडियोमा कार्यक्रम सञ्चालन गर्न भन्दा तयारी गर्न गाह्रो छ ,उहाँले निकै तयारी गरेर कार्यक्रम सञ्चालन गर्नुहुन्छ’ प्रमुख अतिथि पोख्रेलले वताए ।
इलाका प्रहरी कार्यालयका प्रमुख डिएसपी शिववहादुर सिंहले रेडियो कार्यक्रमको लोकप्रियताका बारेमा सुनेर उत्साहित भएको वताए । समाज रुपान्तरणका लागि रेडियो कार्यक्रमले खेलेको भुमिकाको उनले मुक्तकण्ठले प्रशंसा समेत गरे । ‘हामी सबैको मिसन समाज परिवर्तन नै हो , यस्ता कार्यक्रमले समाजमा धेरै राम्रो भुमिका खेल्छन’ सिहले भने ।
रोटरी क्लब अफ तुलसीपुर सिटीका अध्यक्ष सुरेश हमालले शान्त तलाउँ गुणात्मक कार्यक्रम भएको वताउँदै निरन्तरताको कामना गरे ।
कार्यक्रममा बोल्दै कार्यक्रम सञ्चालक तुफानबाबु श्रेष्ठले सकारात्मक सन्देश प्रवाह गर्ने लक्ष्य अनुसार कार्यक्रमलाई निरन्तरता दिएको बताए । ‘मेरो जीवनको अंश जस्तै भएको शान्त तलाउँ’ उनले भने । कार्यक्रम सञ्चालन गरेपछि स्रोताको प्रतिक्रियाले आफुलाई उत्साहित वनाएको उनको भनाई थियो ।
शान्त तलाउको गौरबपूर्ण २ सय ५० औ श्रृखलाको समिक्षा कार्यक्रममा रिपोर्टस क्लब दाङका अध्यक्ष शरद रेग्मी, मल्टिपल मिडिया प्रालिका प्रवन्ध सम्पादक संगीत वस्याल, चलचित्र पत्रकार संघ दाङ्गका अध्यक्ष शिव पुन, रेडियो पाठशालाका पूर्ण केसी, स्रोता मनोहरी थापा लगायतले सफलताको कामना गरेका थिए ।
माधव कँडेलको स्वागत मन्तव्यबाट सुरु भएको कार्यक्रमको सहजिकरण वसन्त आचार्यले गरेका थिए भने धन्यवाद ज्ञापन रोटरी क्लब अफ तुलसीपुर सिटीका निवर्तमान अध्यक्ष देववहादुर केसीले गरेका थिए ।

कमेन्ट गर्नुहोस्
सम्बन्धित

धनगढी । नेपाल प्रहरी प्रधान कार्यालय मानवश्रोत विकाश विभाग, कर्मचारी प्रशासन शाखाको चलानी नम्बर ८०६१ र ८०६३ मिति २०८२।०३।२३ गतेको निर्णयले प्रहरी सहायक हवल्दार पदबाट प्रहरी हवल्दार पदमा बढुवा हुनु भएका प्रहरी हवल्दार मनोज राम महर, ललित बहादुर सिंह, अशोक कुमार अधिकारी, पुजा कुमारी बोकटी, दिपेन्द्र बहादुर भण्डारी, बिरेन्द्र सिंह धामी र प्रहरी जवान पदबाट […]

बाँके । बर्दिया र तराई क्षेत्रमा वर्षायाममा बबई नदीमा आउने बाढीले हरेक वर्ष ठूलो जनधनको क्षति पुर्‍याउने गर्दछ। यस क्षेत्रको भौगोलिक बनावट र नदीको बहावका कारण बाढीको जोखिम उच्च छ। बाढीबाट बच्न र क्षति कम गर्नका लागि निम्न कुराहरूमा ध्यान दिनु आवश्यक छ: पूर्व-तयारी: वर्षायाम सुरु हुनुअघि नै घरका सामानहरू सुरक्षित स्थानमा सार्ने, खाद्यान्न र […]

रसुवा । गोसाईंकुण्ड गाउँपालिका वडा नम्बर ३ लिङलिङमा उद्धारको लागि २ नम्बर गुल्मबाट गएका सहायक हवल्दार विशाल थापा भिरबाट लडेर घाइते भएका हुन् । २१ जनाको टोली गएकोमा थापा १० मिटर तल खोँचामा खसेका थिए । उनको टाउको र घुँडामा चोट लागेको सशस्त्र प्रहरी बलका सहायक प्रवक्ता डिएसपी शैलेन्द्र थापाले जानकारी दिए । उनको प्राथमिक […]

error: Content is protected !!