स्वास्थ्यकर्मीलाई कोरोना देखिएपछि बन्द गरिएको अस्पताल आईतबार देखि सुचारु

ABC Sanchar अर्घाखाँची अस्पताल परिषर्मा रहेको स्वास्थ्य कार्यालयमा कार्यरत दुईजना स्वास्थ्यकर्मीमा कोरोना पोजेटिभ देखिएपछि सोमबार देखि ईमरर्जेन्सी र प्रशुति सेवा बाहेक सम्पुर्ण सेवा बन्द रहेका थिए ।
भोली देखि सम्पुर्ण सेवा खुल्ने भएका छन । लुम्बिनी प्रादेशिक अस्पतालमा बुटवलमा गत सोमबार स्वाब संकलन गरि पठाइएको डाक्टर र स्वास्थ्य कर्मीको पिसिआर रिपोर्ट नेगेटिभ आएकोले सम्पुर्ण सेवा भोली देखी खुल्ने अर्घाखाँची अस्पतालका प्रमुख डाक्टर कपिल गौतमले जानकारी दिनुभयो ।
यसअघि गत आईतबार २ जना स्वास्थकर्मी, १ जना सञ्चारकर्मी, १ जना कार्यालय प्रमुख सहित १३ जनामा कोरोना संक्रमण पुष्टी भएको थियो ।
सक्रमितको सम्पर्कमा आएका १ सय ११ जनाको स्वाव संकलन गरि सोमबार पठाइएको मध्ये ९७ जनाको रिपोर्ट नेगेटिभ आएको स्वास्थ्य कार्यालय अर्घाखाँचीका जन स्वास्थ्य निरिक्षक गणेशराज पौडेलले बताउनु भयो । अब १४ जनाको रिपोर्ट आउन बाँकी रहेको छ ।