१५ साउन २०८२, बिहिबार
31-07-2025 , Thu
×

कोविड १९ को बढ्दो संक्रमण न्युनिकरणमा सहयोगि भूमिका निर्वाह गर्नुहोस् : अध्यक्ष बास्कोटा

Logo
प्रकाशित आइतबार, भाद्र २१, २०७७

, दाङ । नेपाल औषधि थोक व्यवसायी संघका केन्द्रिय अध्यक्ष शिवराज बास्कोटाले कोविड १९ को बढ्दो संक्रमण न्युनिकरण गर्न जिल्लामा अवस्थित सरोकारवाला निकायहरु संग समन्वय गरी सामुदायिक सचेतना लगायतका कृयाकलापहरु संचालन गर्न र आवश्यक परेको खण्डमा स्वास्थ्य सामाग्री समेत उपलब्ध गराउन पहल गर्नको लागि संघमा आवद्ध सम्पूर्ण थोक व्यबसायीहरुलाई आग्रह गर्नु भएको छ ।
नेपाल औषधि थोक व्यवसायी संघ ५ न. प्रादेशिक समिति दाङका अध्यक्ष शालिकराम आचार्यको अध्यक्षतामा शनिबार डिजिटल संवाद सम्पन्न भएको छ । डिजिटल संवादमा प्रमुख अतिथिको रुपमा बोल्दै केन्द्रिय अध्यक्ष बास्कोटाले कोरोनाको प्रकोप संगै विश्वभर आर्थिक मन्दी भएकोले बिदेशबाट आयात गर्नुपर्ने कच्चा पदार्थहरुको अभावको कारण नेपाली औषधी कम्पनीहरुलाई औषधी उत्पादन र बितरणमा समस्या भएको बताउनुभएको छ । जसले गर्दा औषधी आयात गरी बिक्री बितरण गर्ने कम्पनीहरुको पनि आयात-निर्यातमा पर्ने समस्याको कारण उधारोमा कारोवार गरिने औषधी व्यापार नगदमा रुपान्तरण गर्न गरिएको आग्रहलाई आत्मसात गर्दै परिस्थिती सहज नहुँदा सम्म कम्पनीहरुले विगतमा अपनाईरहेको व्यापार नितीलाई यथावत राख्न अनुरोध गर्नुभयो ।
साथै उहाँले वर्तमान परिस्थितीमा औषधीको खपत कम हुँदै गएकाले देशैभरिका थोक व्यवसायीहरुको गोदाममा ठुलो मात्रामा स्टक भएका सामानहरु म्याद गुज्रन लागेको हुँदा उक्त सामानको हिसाव यथाशिघ्र मिलान गर्न पनि कम्पनीहरुसंग आग्रह गर्नुभयो ।
डिजिटल संवादमा जोडिनुभएका सबै सदस्यहरुले प्रबिधीको उच्चतम प्रयोग गर्दै यस्तो विषम परिस्तिथिमा पनि केन्द्रिय अध्यक्ष लगाएत सहभागि सदस्यहरु बिच विचार आदान-प्रदान गर्न पाएकोमा खुशी व्यक्त गर्नु भएको थियो । डिजिटल संवादको सहजिकरण संघका महासचिव तुफानबाबु श्रेष्ठले गर्नुभएको थियो ।

कमेन्ट गर्नुहोस्
सम्बन्धित

  काठमाडौं । प्रहरीले गोकर्णेश्वर नगरपालिका–२ नाम्यागल रोडमा लागूऔषध ६०० ट्याब्लेट नाइट्राभेट बोकेर हिँडिरहेको अवस्थामा पाँच जना र काठमाडौं महानगरपालिका–२६ सामामुखीबाट खैरो हेरोइनसहित एक जनालाई पक्राउ गरेको हो। प्रहरीले लागूऔषध ओसारपसारमा संलग्नलाई आज सार्वजनिक गरेको छ । पक्राउ पर्नेमा कालिकोटका २५ वर्षीय सरोज शाही, सिन्धुपाल्चोकका २४ वर्षीय सूर्य लामा, काभ्रेपलाञ्चोकका ३३ वर्षीय विमल मगर, कास्कीका […]

बाँके । नेपालगन्जको नेपाल भारत सीमा क्षेत्रमा हुने आपराधिक गतिविधि तथा तस्करी नियन्त्रण गर्न खटाइएका घुमुवाले आचरण विपरीत काम गर्न थालेपछि सशस्त्र प्रहरी बल प्रधान कार्यालय हलचोक काठमाडौंले एबिसी संचारमा सशस्त्र प्रहरी बल बाँकेमा कार्यरत घुमुवा असई सोमराज शर्माको स्याउ तस्करसंग पैसाको बार्गेनिङ र पितल तस्कर तस्करसंग गरेको कुराकानी अडियो रेकर्ड प्रकाशित समाचारमा आएपछी घुमुवा […]

दाङ । आजको डिजिटल युगमा लेखन, पत्रकारिता वा अन्य सृजनात्मक कामका क्रममा कृत्रिम बुद्धिमत्ता (AI) उपकरणको प्रयोग गर्नु स्वाभाविक र व्यावहारिक भएको छ । विशेषतः भाषा शुद्धीकरण, संरचना सुधार, तथ्य पुष्टि वा विचार विस्तार जस्ता पक्षहरूमा AI टुलहरूले सहयोगीको भूमिका निर्वाह गर्न थालेका छन् । मैले पनि सचाचार, केही लेख, टिप्पणी वा विश्लेषण तयार गर्दा […]

error: Content is protected !!