महेन्द्र सिंह
बाँके जिल्लाबाट लामो तथा छोटो दुरीका सवारी साधन संञ्चालन गर्ने तयारी थालिएको छ । यातायातका साधन सञ्चालनकालागि शनिबार कोहलपुरमा यातायत व्यवसायी र यातायात मजदुरबीच भएको छलफलमा असोज १ गते देखि यातायात संचालन गर्ने सहमती भएको छ ।
नेपाल राष्ट्रिय यातायात व्यवसायी महासघ जिल्ला समन्वय समितीको संयोजनमा यातायत व्यवसायी र यातायात मजदुर बिच गरिएको छलफलमा असोज १ गते देखि लमो तथा छोटो दुरीका यातायतका साधन सञ्चालन गर्ने निर्णय भएको समन्वय समितीका संयोजक टंक बस्यालले जानकारी दिए ।
स्वास्थ्य सुरक्षा मापदण्ड पुरा गरेर सवारी साधन सञ्चालनमा ल्याईने उनले जानकारी दिए । बस्यालका अनुसार यातायत मजदुर र यातायात व्यवसायीले आईतवार जिल्ला प्रशासन कार्यालयमा ज्ञापन पत्र समेत बुझाउने उनले बताए ।
आखिल नेपाल ट्रेड युनियन महासघ बाँकेका सचिव राज कुमार बिसीले लामो लकडाउनले मजदुरहरुलाई हात मुख जोर्न समस्या भएको भन्दै यातायतका साधन सञ्चालनको बिकल्प नभएको बताए । उनले सुरक्षा मापदण्ड पुरा गरेका सार्वजनिक यातायत सुचारु गनु पर्ने बताए ।
