ABC Sanchar
रोल्पामा समुदायस्तरका व्यक्ति ८ जनामा कोरोना संक्रमण देखिएपछि संक्रमण रोकथाम लागि अर्को सुचना जारी नभएसम्मका लागि होलेरी बजार शिल गरिएको हो ।
जिल्ला संकट व्यवस्थापन केन्द्र रोल्पाको आज बसेको बैठकले होलेरी बजारलाई पूर्णरुपमा शिल गर्ने निर्णय गरेको हो । पूर्वमा नुवागाउँ ढुंगाखानी, पश्चिममा खर्से बजार, उत्तरमा सखी र सैवाङ गाउँ र दक्षिणमा सापडाँडा र ग्वारखोलको क्षेत्रमा पुर्णरुपमा लकडाउन गरिएको छ ।
बन्दाबन्दीको समयमा होलेरी बजारमा स्वास्थ्य सेवा बाहेक अन्य सबै सेवा पूर्णरुपमा बन्द हुने भएका छन् । लकडाउन अवधिभर बैंक तथा वित्तिय संस्थाहरु र सरकारी कार्यालय पनि बन्द हुने निमित्त प्रमुख जिल्ला अधिकारी रामबहादुर केसीले जानकारी दिनुभयो ।
