ABC Sanchar
काठमाडौं राष्ट्रिय भूकम्प मापन केन्द्रका प्रमुख लोकविजय अधिकारीका अनुसार सिन्धुपाल्चोक केन्द्रबिन्दु बनाएर ६ म्याग्निच्यूडको भूकम्पको धक्का महसुस भएको हो।
नेपालको सीमा क्षेत्र चीन र नेपालको सिमानजिक धुम्थाङ नजिक केन्द्रबिन्दु रहेको जनाइएको छ ।
बुधबार बिहान ५ बजेर १९ मिनेटमा करिब १० सेकेन्डसम्म भूकम्पको धक्का महसुस भएको हो।
बुधबार बिहान गएको भूकम्पका कारण उपत्यकालगायत, पोखरा र पूर्वका इटहरी, धरानलगायतका स्थानहरुमा भूकम्पको महसुस गरिएको थियो ।
भूकम्पको धक्काले मानिसहरु आँत्तिदै घर बाहिर निस्किएका थिए। भूकम्पको क्षतिबारे कुनै विवरण प्राप्त भएको छैन।
