दाङ सञ्चारकर्मी जनक रावलले आफ्नाे एल्बम ‘निश्चल.. प्युरनेस अफ हर्ट द म्युजिक’ मार्फत ‘म माया लाउँदिन’ बाेलकाे गीत सार्वजनिक गरेका छन् ।
कथा, कविता, गीत, गजल लेखन तथा रेडियाे कार्यक्रम प्रस्ताेता र पत्रपत्रिकामा विभिन्न लेखहरू लेख्दै आएका रावल करिब १ दशकपछि गीत रचनामार्फत दर्शकस्राेतामाझ आएका हुन् । शब्द, संगीत र गायन निकै सशक्त रहेकाे म माया लाउँदिनमा नृत्यकाे नाैलाे प्रयाेग हेर्न पाइने छ ।
किरण माइकल घिमिरेले संगीत गरेकाे याे गीतमा युवा पुस्ताका चर्चित गायक प्रताप दासले स्वर दिएका छन् भने बुढासुब्बा डिजिटलले याे याे गीत बजारमा ल्याएकाे हाे ।
स्कुलमा सँगै पढ्ने केटाकेटीबीचकाे माया झैं लाग्ने भावना पैदा हुने तर तर वास्तवमा त्याे माया नभई सामान्य फिलिङ्स मात्रै भएकाे र साे साकार नहुँदा पनि कुनै फरक नपर्ने र मित्रता पनि नछुट्ने सन्देश गीतमार्फत दिन खाेजिएकाे छ ।
फिट अफ फायरका मन थापाकाे नृत्य निर्देशनमा रहेकाे गीतकाे म्युजिक भिडियाेमा निश्चल र निकिशाले अभिनय गरेका छन् । सुरेश बज्राचार्यकाे सिनेम्याटाेग्राफी रहेकाे भिडियाेकाे सम्पादन तारा थापा किम्भेले गरेका छन् ।
यसैगरी पाेस्ट प्राेडक्सनकाे काम क्लासिक सिने युनिभर्सका राम कार्की र हेमा फिल्मसका मिथिलेश श्रेष्ठले गरेका हुन् ।
