कोरोनाको उच्च जोखिममा सुरक्षाकर्मीहरु कूल संक्रमितमध्ये १० प्रतिशतमा संक्रमण

सागर थापा
नेपालमा कोरोना कहरका कारण सबैभन्दा प्रताडित छन् फ्रन्टलाइनमा खटिएकाहरु । स्वास्थ्यकर्मी,सुरक्­षाकर्मीहरुदेखि बैंकरहरुसमेत कोरोना संक्रमणको उच्च जोखिममा छन् । स्वास्थ्य मन्त्रालयको पछिल्लो तथ्यांक अनुसार नेपालमा हिजोसम्ममा संक्रमितहरुको संख्या ८६ हजार ८२३ जना रहेको छ । जसमध्ये उपचारपछि ६४ हजार ६९ जना निको भएर घर फर्किएका छन् । कोरोनाकै कारण हालसम्म नेपालमा ५३५ जनाले ज्यान गुमाइसकेका छन् ।तथ्यांक अनुसार नेपालमा कूल संक्रमितमध्ये झण्डै १० प्रतिशत सुरक्षाकर्मीहरु छन् । कूल संक्रमितको संख्या ८६ हजार पुग्दा झण्डै ८ हजार २ सय सुरक्षाकर्मीहरु कोरोना संक्रमणमा परेका छन् । यो भनेको झण्डै १० प्रतिशत हो ।