महेन्द्र सिंह बाँके नेपालगन्ज भन्सार छलि भित्र्याएको मोबाईल राखेको गोदाममा बाँके प्रहरीले शुक्रबार दिउँसो छापा हानेको छ । जिल्ला प्रहरी कार्यालय बाँकेबाट खटिएको टोलीले नेपालगन्ज उपमहानगरपालिका वडा नम्बर–१२, कोरियनपुरमा रहेको सुशिल कुमार ठठेरले लुकाई राखेको मोबाईल गोदाममा छापा हानेका हो । जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाको अनुसार भन्सार छलि गरि भित्र्याइएका मोबाईल र मोबाईल पार्टसहरु बरामत गरिएकोछ । प्रहरीले करिब दश लाख मूल्य बराबरको मोबाइल र मोबाइलको सामाग्री सहित ठठेरलाई जिल्ला प्रहरी कार्यालय बाँकेमा ल्याइएको जानकारी दिनु भएको छ ।
