महेन्द्र सिंह
बाँके ईलाका प्रहरी कार्यालय धनौलीले ७ किलो गाईको मासु हड्डी र छालासहित बाँकेको खजुराबाट तीनजनालाई नियन्त्रणमा लिएको छ ।
धनौली प्रहरीले आइतबार खजुरा गाउँपालिका वडा नम्बर ८ रनियापुर चमकदारपुरबाट सोही ठेगाना भएका ४५ बर्षिय चुन्नी खाँ, ५० बर्षिय सब्दिर खाँ र ३४ बर्षिय अब्दुल आसिक खाँ लाई गाईको ७ किलो मासु, हड्डी र छालासहित पक्राउ गरेको लुम्बिनी प्रदेश प्रहरी कार्यालय दाङले जनाएको छ ।
सब्दिर खाँ को घरदेखि अन्दाजी २ किलोमीटर उत्तर पुर्वमा रहेको आस्थाक खाँ को खेतबारीमा गाई काटिरहेको भन्ने गोप्य सुचनाको आधारमा ईलाका प्रहरी कार्यालय धनौलीका प्रहरी निरीक्षकको कमान्डमा गएको टोलीले सब्दिर खाँ को घरबाट अन्दाजी ७ किलो गाईको मासुसहित तीनैजनालाई नियन्त्रणमा लिएको र घटनास्थलबाट गाईको हड्डी र छाला बरामद गरी आवश्यक अनुसन्धान गरीरहेको ५. नम्बर प्रदेश प्रहरीले जानकारी दिएको छ ।
