महेन्द्र सिंह
बाँके हिन्दुहरुको महान चाड दसँैको मुखमा चाड मनाउन घर फर्किने बेलामा कोरोनाको समेत परवाह नगरि रोजगारीका लागि भारत जानेहरुको नेपाल भारत सिमानाकामा लर्को लागेको छ ।
विगतका वर्षमा यो बेला चाड मनाउन फर्किने नेपालीको संख्या अत्यधिक हुने गरेकोमा यस वर्ष चाडको मुखमा नै कमाउन भारत जानेको संख्या जमुनाह नाकामा अत्यधिक छ ।
यहाँस्थित नेपाल भारत नाका ईलाका प्रहरी कार्यालयका जमुनाहका प्रमुख विष्णु गिरीले दसँै शुरु भैसके पनि कमाउन भारत जाने नेपालीहरुको अहिले दिनदिनै नाकामा लर्को लाग्ने गरेको।
उहाँले नेपालमा रोजगारी नपाएपछि भोकै बस्ने अवस्था आएकोले चाडपर्व र आफन्त छोडेर भारत जान थालेको बताउनुभएको छ ।
अहिले दैनिक चार सयको हाराहारीमा नेपालीहरु रोजगारीका लागि भारत छिरिरहेका छन् । जमुनाह नाकामा उनिहरुको नाम ठेगाना लगायतको सबै विवरण राखेर मात्रै भारत जान दिईएको जमुनाह प्रहरीले जनाएको छ ।
यसरी जाने अधिकांशसंग भारतीय आधार कार्ड समेत रहेकोले उनिहरुले सो देखाएर पनि भारत छिरिरहेको जमुना प्रमुख गिरीले जानकारी दिनुभएको छ ।
