१२ साउन २०८२, सोमबार
28-07-2025 , Mon
×

कर्मचारीमा कोरोना देखिए पछी राप्ती गाउँपालिका कार्यालय सँगै १ र ३ वडा कार्यालय सिल

Logo
प्रकाशित बुधबार, कार्तिक १२, २०७७

बिदुर एमसी
दाङ भालुवाङ कर्मचारीमा कोरोना देखिएपछि देउखुरीको राप्ती गाउँपालिकाको कार्यालय सँगै १ र ३ नम्बर वडा कार्यालय ४ दिनका लागि सिल गरिएको छ । गाउँपालिका अध्यक्ष नुमानन्द सुवेदीले आज एक सूचना जारी गर्दै बुधबार देखि कात्तिक १६ गतेसम्म ३ वटा कार्यालय सिल गरिएको जानकारी दिएका छन् ।
गाउँपालिका अन्तरगत रोजगार सेवा केन्द्रमा कार्यरत एक पुरुष कर्मचारीमा कोरोना देखिएपछि अहिले उनको कोहलपुर मेडिकल कलेजमा उपचार भइरहेको छ ।
उनको सम्पर्कमा आएका अन्य कर्मचारीमा पनि कोरोना हुन सक्ने र त्यसबाट सेवाग्राहीमा समेत संक्रमण फैलन सक्ने भएकाले गाउँपालिका अन्तरगत संकट ब्यवस्थापन समितिले ४ दिनकालागि कार्यालय सिल गर्ने निर्णय गरेको अध्यक्ष सुवेदीले बताए ।
साथै अत्यावश्यक काम परे वडाध्यक्ष, गाउँपालिका अध्यक्ष तथा प्रमुख प्रशाकीय अधिकृतलाई सम्पर्क गर्न सकिने सूचनामा जनाइएको छ । सूचनामा सम्पूर्ण जनप्रतिनिधि, कर्मचारी तथा सर्वसाधारणमा स्वास्थ्य मापदण्ड पालना गर्न आग्रह गरिएको छ ।

कमेन्ट गर्नुहोस्
सम्बन्धित

  कपिलवस्तु । शिवराज नगरपालिका वडा नम्बर ५ स्थित प्रगति टोलमा रहेको दीपक न्यौपानेको घरमा भएको चोरी घटनामा संलग्न अभियुक्तलाई प्रहरीले पक्राउ गरेको छ। गत साउन ६ गते राति भएको चोरी घटनाको अनुसन्धानका क्रममा घटनास्थल नजिकै रहेको सीसीटीभी फुटेजको आधारमा शंकास्पद व्यक्तिको खोजी थालिएको थियो। फुटेजमा कैद भएका व्यक्तिको हुलिया पहिचान गरी प्रहरीले व्यापक खोजतलास […]

दाङ । देउखुरी गढवा गाउँपालिका वडा नम्बर ७,का वडा अध्यक्ष राहुलदेव चौधरीको घरमा अवैध काठ चिरान गरिरहेको भन्ने गोप्य सूचनाको आधारमा वन कर्मचारी,प्रहरी र सामुदायिक वनका पदाधिकारीको संयुक्त टोलिले साल र सिसौंको गरि कुल ५८.३४ क्युफिट काठ बरामद गरेको हो । कक्रहवा खोलाले बगाएर ल्याएको साल र सिसौंको रुखलाई सम्बन्धित वन कार्यालयलाई जानकारी गराउनुको सट्टामा […]

  काठमाडौं । नेपाल प्रहरी प्रधान कार्यालयको कानुन शाखाले आज सूचना जारी गर्दै २२ जना प्रहरी लामो समयदेखि गैरहाजिर रहेको भन्दै उनीहरूलाई सम्पर्कमा आउन सात दिनको समय दिएको हो। गैर हाजिर हुनेमा प्राविधिक तर्फका एक असईसहित चारजना असई, दुईजना कार्यालय सहयोग र बाँकी सबै प्रहरी जवान छन्। लामो सयमदेखि सम्पर्कविहीन भएका उनीहरूलाई एक साताभित्र सम्पर्कमा […]

error: Content is protected !!