महेन्द्र सिंह
सशस्त्र प्रहरी बल बिओपी जमुना बाँकेले भारतबाट अवैधरुपमा ल्याइँदै गरेको सामग्री पक्राउ गरेको छ । सशस्त्र प्रहरीले नेपालगञ्ज उपमहानगरपालिका वडा नम्बर १६ जमुनाह गाउँ नजिकैबाट बेबारिसे अवस्थामा रहेका अवैध सामग्री पक्राउ गरेको हो । सशस्त्र प्रहरी सहायक निरिक्षक सन्तोष कुमार शर्माको कमाण्डमा खटिएको ७ जनाको सशस्त्र प्रहरीको गस्ती टोली आईतवार विहान ११ बजे १ लाख ४३ हजार मूल्य बराबरको कपडा जुत्ता पिपिई सेट, कस्मेटिक सामान सुर्तीजन्य पदार्थ लगायत एउटा पाइडल रिक्सा पक्राउ गरेको हो । नयाँ तरिकाले तस्करी गरेर रिक्सामा सामान ल्याइएपनि सशस्त्र प्रहरीको चलाखीले अवैध सामग्री बरामद भएको छ । बरामद गरिएका सामग्री थप आवश्यक कारवाहीका लागि नेपालगन्ज भन्सार कार्यालय पठाइएको सशस्त्र प्रहरी सहायक निरिक्षक शर्माले जानकारी दिए ।