महेन्द्र सिंह 
बाँकेको जमुनाह नाका हुँदै नेपाल भित्राउँदै गरीएको अबैध पटाका प्रहरीले बरामद गरेको छ । ईलाका प्रहरी कार्यालय जमुनाहको सक्रियतामा ५ लाख मुल्य बराबरका अबैध पटाका बरामद गरीएको जिल्ला प्रहरी कार्यालय बाँकेले जनाएको छ ।
कोरोना कहरका कारण बन्द रहँदै आएको सिमा नाकाबाट समेत तिहारलाई लक्षित गर्दै बिष्फोटक पदार्थ (पटाका) भित्रन थालेपछि सिमानाकामा निगरानी बढाईएको जिल्ला प्रहरी कार्यालय बाँकेका प्रमुख ओम रानाले बताए ।
तिहारमा बिशेष रुपमा प्रयोग हुने पटाकाहरुले बिभिन्न घटनाहरु हुन सक्ने भन्दै प्रहरीले बिशेष निगरानी राखेको रानाले बताए । पटाका ल्याउने ब्यक्ति मोटरसाईकल छाडेर फरार भएपनि उनले ल्याएको अबैध पटाका भने नियन्त्रण गर्न सफल भएको प्रहरीले जनाएको छ ।
यस्तै लागु औषध ब्युरोले खजुरा गाउँपालिका ८ रनियापुरबाट १० किलो ४ सय ग्राम अफिम पक्राउ गरेको जनाएको छ । पक्राउ पर्नेमा जाजरकोट जिल्ला जुनीचाँदी गाउँपालिका वडा नं। १ का तिलकबहादुर शाही रहेको प्रहरीले जनाएको छ । पक्राउ परेका शाहीलाई थप अनुसन्धानका लागि नियन्त्रणमा राखिएको बाँके प्रहरीले जानकारी दिएको छ ।
