१० साउन २०८२, शनिबार
26-07-2025 , Sat
×

प्रहरीमा DIG दरबन्दी माग्दा AIG समेत थपियो : कोको छन् प्रतिस्पर्धामा

Logo
प्रकाशित शुक्रबार, मंसिर ०५, २०७७

(ABC क्राईमबिट)                                        काठमाडौं नेपाल प्रहरीमा पाँचजना प्रहरी नायब महानिरिक्षक (डीआईजी) को दरबन्दी माग भएकोमा सरकारले एक अतिरिक्त महानिरीक्षक (एआईजी) सहित पाँचै जना डीआईजीको दरबन्दी स्वीकृत गरेको छ । गृह मन्त्रालयले मन्त्रिपरिषद्मा पठाएको दरबन्दी स्वीकृतिको फाइल बुधबार मात्रै स्वीकृत भएको हो। एआईजीको दरबन्दी थप्ने प्रयासकै कारण लामो समयदेखि गृहको प्रस्ताव मन्त्रिपरिषद्मा अड्किएको थियो। दरबन्दी स्वकृति भएसँगै थप भएका पाँच डीआईजीका लागि बढुवाको बाटो खुलेको छ। राजमार्ग सुरक्षा निर्देशनालय, प्रदेश समन्वय निर्देशनालय, कार्य विभाग, योजना तथा अन्वेषण निर्देशनालय र प्रहरी महानिरीक्षकको सचिवालयमा डीआईजीको दरबन्दी थप भएको जानकारी गृह मन्त्रालयका प्रवक्ता एवं सहसचिव चक्रबहादुर बुढाले दिए। पाँच डीआईजी बढुवाका लागि एसएसपी पुरुषोत्तम कँडेल, देवबहादुर बोहोरा, गणेश ऐर, दिलिप चौधरी, राजेशलाल कर्ण, रामकृपाल शाह, उमेश रञ्जितकार, प्रकाश अधिकारी, किशोर दाहाल, नरबहादुर खत्री, मसाउद आलम खाँ, शेखर कोइराला, दिवेश लोहनी, मुकुन्द आचार्य, सुशील यादव, पूजा सिंह, मोहन आचार्य, नलप्रसाद उपाध्याय, विक्रम चन्द, लगायतका प्रतिस्पर्धामा छन्। त्यस्तै एक एआइजीका लागि डीआईजी विश्वराज पोखरेल, धिरज प्रताप सिंह र शहकुल बहादुर थापा प्रतिस्पर्धी छन्। अब बढुवा हुने एआईजीबाटै भावी प्रहरी नेतृत्व चयन हुनेछ । प्रहरीमा हाल प्रशासनतर्फ १४ र प्राविधिक ८ गरी २२ जना डीआईजी छन् । यसअघि प्रशासनमा २६ जना डीआईजी रहेकामा ठाकुरप्रसाद ज्ञवाली आईजीपी भएका बेला सरकारले १४ वटा दरबन्दी कटौती गरेको थियो । प्रहरी महानिरीक्षक शैलेश थापा क्षेत्रीले बढुवा आकांक्षी धेरै भएकाले वरिष्ठतालाई आधार बनाउँदै बढुवा सिफारिस गर्नुपर्ने राय गृह सचिव महेश्वर न्यौपाने समक्ष राखिसकेका छन्। रासस

कमेन्ट गर्नुहोस्
सम्बन्धित

काठमाडौं । थाइल्यान्ड सीमा क्षेत्रमा द्वन्द्व चर्किँदै गएपछि दुवै देशबीच ठूलो युद्धको खतरा बढेको अल जजिराले जनाएको छ । कम्बोडियाको ओडर मेन्चे प्रान्तमा बिहीवार थाइल्यान्डको तोप आक्रमणले क्षति पुर्‍याएको बौद्ध गुम्बाबाट एक जनाको शव निकाल्दै गरेका कम्बोडियन सैनिकहरूको तस्बिर सार्वजनिक भएको छ । हिजो कम्बोडियन सेनाले सात जना सर्वसाधारण र पाँच जना सैनिक गरी थप […]

दाङ प्रहरीले घोराहीबाट अवैध लागूऔषध ब्राउनसुगरसहित एक जना पक्राउ दाङ । अवैध लागूऔषध ब्राउनसुगर सहित तुलसीपुरका एक युवक घोराहीमा पक्राउ परेका छन् । पक्राउ पर्नेमा तुलसीपुर उपमहानगरपालिका–१० पड्ढा बस्ने २४ वर्षीय बिराट बस्नेत रहेको लुम्बिनी प्रदेश प्रहरी कार्यालय तुलसीपुरले जानकारी दिएको छ । घोराही उपमहानगरपालिका–१४ नयाँ बसपार्कबाट ९ सय ७० मिलिग्राम ब्राउन सुगर र नगद […]

  दाङ । भालुवाङ आर्थिक स्रोतको अभावबिच पनि जनताको सुरक्षालाई प्राथमिकतामा राख्दै सेवा प्रवाहमा प्रतिबद्ध राप्ती गाउँपालिकाले दमकल प्राप्त गरेपछि राहत महसुस गरेको छ । लुम्बिनी प्रदेश सरकारको आर्थिक वर्ष २०८१/८२ को बजेटबाट खरिद गरिएको दमकल बुधबार गाउँपालिकामा आइपुगेको हो । स्थानीय सरकारसँग सीमित स्रोतसाधन हुँदा अपेक्षित विकास योजना समयमै पूरा गर्न कठिनाइ हुने गरेको […]

error: Content is protected !!