११ साउन २०८२, आइतबार
27-07-2025 , Sun
×

योजना तर्जुमा गर्न प्रशिक्षण

Logo
प्रकाशित मंगलबार, जेठ ०८, २०७५

सागर रिजाल
प्युठान,८ जेठ ।
जिल्लाका स्थानिय तहलाई आर्थिक वर्ष ०७५÷०७६ सालको योजना तर्जुमा गर्न प्रशिक्षण कार्यक्रम गरिएको छ । स्थानिय तहमा बजेट तर्जुमा, योजनाको प्राथमिकीकरण कसरी गर्ने, योजना कार्यान्वयन, योजनाको मुल्याङकन, अनुगमनका बारेमा प्रशिक्षण दिईएको छ । गाउँ तथा नगरपालिकाको योजना प्रक्रिया गाउँबस्ति स्तरदेखि गाउँसभाको स्विकृत सम्मको प्रक्रियाको बारेमा समेत प्रशिक्षण दिईएको छ ।जिल्लाका नौ वटै गाउँ तथा नगरपालिकाका प्रमुख, उपप्रमुख, जनप्रतिनीधि, विषयगत कार्यालयका कर्मचारीहरुको उपस्थितीमा प्रशिक्षण कार्यक्रम गरिएको हो ।

प्रशिक्षण कार्यक्रममा नौवहीनि गाउँपालिकाका अध्यक्ष शिवराज रिजालले प्रशिक्षणले योजना निमार्ण गर्न सहजता भएको बताउनुभयो । गाउँपालिका संगै वडा तथा टोल स्तरमा योजना निमार्ण गर्न यस्ता प्रशिक्षणको आवश्यकता रहेको उहाँको भनाई छ । अगिल्लो आर्थिक वर्षमा योजना निमार्ण गर्न अफ्ठेरो भयो गौमुखी गाउँपालिकाका अध्यक्ष विष्णु गिरीले भन्नुभयो,‘यस अर्थिक वर्षमा योजना निमार्ण गर्न सहज हुनेछ ।’
योजना तर्जुमा निमार्ण कार्य लिखितमा मात्र सिमित नभई प्रयोगात्मकमै सिकेको झिम्रुक गाउँपालिकाका अध्यक्ष तिलक जिसीले बताउनुभयो । स्थानीय सरकार ऐन अनुसार योजनाको छनोट गर्नुपर्ने उहाँको भनाई छ । प्रशिक्षण पछि स्थानिय तहमा वडा बस्ति देखि नै जन्ताले अनुभुत गर्न सक्ने र उनीहरुकै आवश्यकताको आधारमा योजना छनोट गर्नुपर्ने झिमरुक गाउँपालिकाका भौतिक पूर्वाधार तथा भवन नियमन शाखा प्रमुख बाशुदेव गिरीले बताउनुभयो । उहाँले भन्नुभयो,‘योजना छनोट गर्दा विकासले प्रतिफल हासिल गर्ने र जन्ताको प्रत्यक्ष अपनवत्व रहने कुरामा जोड दिनुपर्छ ।’
२ दिन सम्म चलेको प्रशिक्षण कार्यक्रमको सहजीकरण नेपाल सरकारका पूर्व सहसचिव वलदेव गौतम, प्युठान नगरपालिकाका प्रमुख प्रशासकिय अधिकृत नारायण प्रसाद भण्डारी, स्वर्गद्धारी नगरपालिकाका प्रमुख प्रशासकिय अधिकृत तुल्सीराम गैरे, य.ुएन.एप.पीए.का प्रेमनारायण श्रेष्ठले गर्नुभएको थियो । जिल्ला समन्वय समिती प्युठानको आयोजना तथा संघीय मामिला तथा सामान्य प्रशासन मन्त्रालय स्थानीय शासन तथा सामुदायिक विधान कार्यक्रम समन्वय ईकाइको सहयोगमा प्रशिक्षण कार्यक्रम भएको हो ।

कमेन्ट गर्नुहोस्
सम्बन्धित

सभापति रवि लामिछानेलाई थुनेर सरकारले ठूलो गल्ती गर्‍यो उपसभापति डा. स्वर्णिम वाग्ले काठमाडौं । राष्ट्रिय स्वतन्त्र पार्टी (रास्वपा) का उपसभापति डा. स्वर्णिम वाग्लेले वर्तमान सत्ता गठबन्धन सरकारले पार्टी सभापति रवि लामिछानेलाई थुनेर ठूलो गल्ती गरेको बताएका छन्। शनिबार रास्वपा रामेछाप उमाकुण्ड–काठमाडौं सम्पर्क विभागको भेलालाई सम्बोधन गर्दै डा. वाग्लेले यस्तो बताएका हुन । उनले त्यसको नतिजा […]

सर्लाही । सिरहाको सीमा क्षेत्र नवराजपुर गाउँपालिका–४ मा प्रहरीले गोली चलाएर एक भारतीय लागूऔषध कारोबारीलाई नियन्त्रणमा लिएको छ । भारतको मधुवनी जिल्ला, ग्रामपंचायत विरपुर–९ का ३८ वर्षीय श्यामसुन्दर पासवान पक्राउ परेका हुन् । उनको साथबाट प्रहरीले अन्दाजी ५० ग्राम खैरो हिरोइन बरामद गरेको छ । जिल्ला प्रहरी कार्यालय सिरहाका प्रवक्ता तथा डिएसपी विरेन्द्र पासवानका अनुसार, […]

काठमाडौं । थाइल्यान्ड सीमा क्षेत्रमा द्वन्द्व चर्किँदै गएपछि दुवै देशबीच ठूलो युद्धको खतरा बढेको अल जजिराले जनाएको छ । कम्बोडियाको ओडर मेन्चे प्रान्तमा बिहीवार थाइल्यान्डको तोप आक्रमणले क्षति पुर्‍याएको बौद्ध गुम्बाबाट एक जनाको शव निकाल्दै गरेका कम्बोडियन सैनिकहरूको तस्बिर सार्वजनिक भएको छ । हिजो कम्बोडियन सेनाले सात जना सर्वसाधारण र पाँच जना सैनिक गरी थप […]

error: Content is protected !!