आशिकी फिल्मको स्टार राहुल रोयको अवस्था चिन्ताजनक

(ABC Sanchar)
डिल्ली । महेश भट्टको निर्देशनमा बनेको बलिउड सुपरहिट फिल्म ‘आशिकी’ फिल्मका अभिनेता राहुल रोय हाल उपचाररत छन् । उनी नानावटी अस्पतालमा उपचाररत थिए ।
उनलाई नानावटी अस्पतालले डिस्चार्ज गरेको छ भने हाल फेरि मुम्बईकै अर्को अस्पताल वाकहार्ड अस्पतालमा भर्ना भएका छन् । यहाँ राहुलको अवस्था पहिलेभन्दा राम्रो भएको र छिटै स्वस्थ हुने बताइएको छ । राहुल गत महिनामा आफ्नो फिल्म ‘एलसी – लिभ द ब्याटल’ को सुटिंगका लागि कारगिल जपुगेका थिए ।
कारगिलको तापक्रम माइनस १२ डिग्री सेल्सियस सम्म पुगेको थियो । उक्त चिसोको असर राहुललाई पुग्यो । राहुल सर्दीको मजा लिइरहेका थिए तर अचानक उनी ब्रेन स्ट्रोकको शिकार हुन पुगे । त्यसपछि उनलाई श्रीनगर ल्याइयो र श्रीनगरबाट सिधै मुम्बई ल्याएर अस्पतालमा भर्ना गरियो ।
केही समय राहुलको मुम्बईस्थित नानावटी अस्पतालमा उपचार गरियो । उनी ब्रेन स्ट्रोकका कारण राम्रोसँग बोल्न सकेका थिएनन् । उनी बोल्न त खोज्थे तर उनको शब्द लर्बराउँथ्यो । त्यसकारण थेरेपिस्टले उनको स्पीच थेरापी सुरु गराए, जसअनुसार उनको बोलचालमा सुधार आयो ।
उनकी सासु रोमीर सेनका अनुसार राहुल नानावटी अस्पतालबाट डिस्चार्ज भएर वाकहार्ड अस्पतालमा भर्ना भएका हुन् । उनकी सासु राहुल बिरामी हुनुमा उनको लापरबाही मुख्य कारण बताउँछिन् । उनी पूर्णरुपमा स्वस्थ हुन अझै धेरै समय लाग्न सक्ने बताइएको छ । हालै राहुलले सामाजिक सञ्जालमा एक भिडियो सार्वजनिक गरेका थिए जसमा उनी आफ्नी बहिनीसँग उभिएर बसेका थिए ।भारत टाइमस